ಬೆಂಗಳೂರು : ಕಳೆದ ಎರಡು ದಿನಗಳಿಂದ ಬೆಂಗಳೂರಿನ ಜನರ ನಿದ್ದೆಗೆಡಿಸಿದ ಚಿರತೆ, ಕೈಗೆ ಸಿಗದೇ ಪುಂಡಾಟ ಮುಂದುವರಿಸಿದೆ.
ಬುಧವಾರ ಚಿರತೆ ಸೆರೆಗೆ ಮುಂದಾದ ಅರಣ್ಯಾಧಿಕಾರಿಗಳ ಟಾಸ್ಕ್ ಫೋರ್ಸ್ ತಂಡದ ಅಧಿಕಾರಿಗಳ ಮೇಲೆ ದಾಳಿ ನಡೆಸಿದೆ.
ಅರವಳಿಕೆ ಚುಚ್ಚುಮದ್ದು ನೀಡುವ ಡಾ. ಕಿರಣ್ ಎಂಬವರ ಮೇಲೆ ಚಿರತೆ ದಾಳಿ ನಡೆಸಿ ಕುತ್ತಿಗೆಗೆ ಪರಚಿ ಗಾಯಗೊಳಿಸಿದೆ. ಅದೇರೀತಿ ಶಾರ್ಪ್ ಶೂಟರ್ ಆಗಿರುವ ಧನರಾಜ್ ಎಂಬವರ ಮೇಲೆ ಚಿರತೆ ದಾಳಿ ಮಾಡಿ ಭುಜ ಹಾಗೂ ಕಾಲಿಗೆ ಗಾಯಗೊಳಿಸಿದೆ.ಗಾಯಗೊಂಡ ಅಧಿಕಾರಿಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಬೆಂಗಳೂರು ಬೊಮ್ಮನಹಳ್ಳಿಯಲ್ಲಿ ಪ್ರತ್ಯಕ್ಷಗೊಂಡ ಚಿರತೆ ಅಲ್ಲಿಂದ ಪಾಳು ಬಿದ್ದ ಕಟ್ಟಡದ ಬೇಸ್ಮೆಂಟ್ ನಲ್ಲಿ ಅವಿತು ಕುಳಿತಿತ್ತು.
ಇದೆ ವೇಳೆ ಚಿರತೆಗೆ ಅರವಳಿಕೆ ಮದ್ದು ನೀಡದ್ದು ಈಗಾಗಲೇ 20 ನಿಮಿಷ ಕಳೆದು ಹೋಗಿದೆ ಈ ವೇಳೆದಾಗಲಿ ಅರವಳಿಕೆ ಮದ್ದಿನ ಶಕ್ತಿ ಕಡಿಮೆಯಾಗುತ್ತಾ ಬಂದರೆ ಮತ್ತೆ ಚಿರತೆ ಎಚ್ಚರಗೊಂಡು ಕಟ್ಟಡಕ್ಕೆ ಹೋಗಿರುವ ಶಂಕೆ ವ್ಯಕ್ತವಾಗುತ್ತಿದೆ ಎಂದು ಅರಣ್ಯ ಸಿಬ್ಬಂದಿಗಳು ಮಾಹಿತಿ ನೀಡಿದ್ದಾರೆ.
