ಕಾರ್ಕಳ ಡಿ.16: ಕಾರು ಚಾಲಕನೊಬ್ಬ ಹಿಂದುಮುAದೆ ಗಮನಿಸದೇ ಕಾರಿನ ಡೋರ್ ತೆಗೆದ ಸಣ್ಣ ತಪ್ಪಿನಿಂದಾಗಿ ಅಮಾಯಕ ಸ್ಕೂಟರ್ ಸವಾರೊಬ್ಬರ ಜೀವವೇ ಬಲಿಯಾಗಿರುವ ದಾರುಣ ಘಟನೆ ಕಾರ್ಕಳದ ಸಾಲ್ಮರ ಎಂಬಲ್ಲಿ ಡಿ.15ರಂದು ಶುಕ್ರವಾರ ನಡೆದಿದೆ. ಸ್ಕೂಟರ್ ಸವಾರ ಯಶವಂತ ಶೆಣೈ (70) ಎಂಬ ಮೃತಪಟ್ಟ ದುರ್ದೈವಿ. ಜಯಂತ ಎಂಬವರು ಶುಕ್ರವಾರ ಬೆಳಗ್ಗೆ ತನ್ನ ಟಾಟಾ ಪಂಚ್ ಕಾರಿನಲ್ಲಿ ಕಾರ್ಕಳ ಕಡೆಯಿಂದ ಅಜೆಕಾರು ಕಡೆಗೆ ಹೋಗುತ್ತಿದ್ದ ವೇಳೆ ಸಾಲ್ಮರ ಎಂಬಲ್ಲಿ ಕಾರನ್ನು ನಿಲ್ಲಿಸಿ ಏಕಾಎಕಿ ಕಾರಿನ ಬಲಭಾಗದ ಡೋರ್ ತೆಗೆದ ಪರಿಣಾಮ ಕಾರ್ಕಳದಿಂದ ಬಂಡೀಮಠದ ಕಡೆಗೆ ಮುಖ್ಯರಸ್ತೆಯಲ್ಲಿ ಹೋಗುತ್ತಿದ್ದ ಯಶವಂತ ಅವರ ಸ್ಕೂಟರಿಗೆ ಡೋರ್ ಬಡಿದು ಯಶವಂತ ಶೆಣೈ ಎಂಬವರು ಗಂಭೀರವಾಗಿ ಗಾಯಗೊಂಡು ಮಣಿಪಾಲ ಆಸ್ಪತ್ರೆಗೆ ಸಾಗಿಸುವ ವೇಳೆ ಮೃತಪಟ್ಟಿದ್ದಾರೆ.
ಈ ಕುರಿತು ಕಾರ್ಕಳ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
