ಕಾರ್ಕಳ : ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ 2 ಪ್ರತ್ಯೇಕ ಕಡೆಗಳಲ್ಲಿ ಜುಗಾರಿ ಆಡುತ್ತಿದ್ದ ನಾಲ್ವರನ್ನು ಪೊಲೀಸರು ಬಂಧಿಸಿ, ನಗದು ವಶಪಡಿಸಿಕೊಂಡಿದ್ದಾರೆ. ಖಚಿತ ಮಾಹಿತಿಯ ಮೇರೆಗೆ ದಾಳಿ ನಡೆಸಿದ ಕಾರ್ಕಳ ಗ್ರಾಮಾಂತರ ಠಾಣಾ ಎಸೈ ತೇಜಸ್ವಿ ಮತ್ತವರ ತಂಡ ಮುಡಾರು ಗ್ರಾಮದ ಮುಡ್ರಾಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಕ್ಕೆ ಹೋಗುವ ಕ್ರಾಸ್ ಬಳಿಯ ಬಸ್ ನಿಲ್ದಾಣದ ಬಳಿ ಜುಗಾರಿ ಆಡುತ್ತಿದ್ದ ಮುಡಾರಿನ ರಘು.ಎನ್ (45ವ) ಎಂಬಾತನ್ನು ಬಂಧಿಸಿ ಆತನಿಂದ 2260 ರೂ. ನಗದು ಹಾಗೂ ಮಟ್ಕಾ ಚೀಟಿಯನ್ನು ವಶಪಡಿಸಿಕೊಂಡಿದ್ದಾರೆ.
ಇನ್ನೊAದೆಡೆ ಈದು ಗ್ರಾಮದ ಕಂಡಿಗಕಟ್ಟ ಹೊಳೆ ಬದಿಯಲ್ಲಿ ಇಸ್ಪೀಟು ಆಡುತ್ತಿದ್ದ ಸ್ಥಳಕ್ಕೆ ದಾಳಿ ನಡೆಸಿದ ಪೊಲೀಸರ ತಂಡ ಈದು ನಿವಾಸಿ ನಾಗೇಶ (38ವ), ನಾರಾವಿ ನಿವಾಸಿ ಅನಿಲ್ (30ವ) ಹಾಗೂ ಬೆಳ್ತಂಗಡಿ ಕನ್ನಡಿಕಟ್ಟೆ ನಿವಾಸಿ ದಿನೇಶ್ (27ವ) ಎಂಬವರನ್ನು ಬಂಧಿಸಿ 4070 ರೂ. ನಗದು ಹಾಗೂ ಆಟಕ್ಕೆ ಬಳಸಿದ್ದ ವಸ್ತುಗಳನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ
