ಮಂಗಳೂರು : ಖ್ಯಾತ ಹಾಸ್ಯ ನಟ, ಅರವಿಂದ ಬೋಳಾರ್‌ಗೆ ರಸ್ತೆ ಅಪಘಾತ ಸಂಭವಿಸಿದ್ದು,ಮಂಗಳೂರಿನ ಪಂಪ್ ವೆಲ್ ಬಳಿ ನಟ ಅರವಿಂದ್ ಬೋಳಾರ್ ಹೋಗುತ್ತಿದ್ದ ಆ್ಯಕ್ಟಿವಾ ಸ್ಕಿಡ್ ಆಗಿ ಬೋಳಾರ್ ಅವರು ಗಾಯಗೊಂಡಿದ್ದಾರೆ.ಅವರನ್ನು ಚಿಕಿತ್ಸೆಗೆ ಯೆನಪೋಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಅರವಿಂದ್ ಬೋಳಾರ್ ತನ್ನ ಅದ್ಭುತ ನಟನೆ, ವಿಶಿಷ್ಟ ಮ್ಯಾನರಿಸಂ ಮೂಲಕ ತುಳು ರಂಗಭೂಮಿ , ಚಿತ್ರರಂಗದಲ್ಲಿ ತನ್ನದೇ ಆದ ಛಾಪು ಮೂಡಿಸಿ ಅತ್ಯಧಿಕ ಅಭಿಮಾನಿಗಳನ್ನು ಹೊಂದಿದವರು. ಮಂಗಳೂರಿನ ನಿವಾಸಿಯಾಗಿದ್ದ ಅರವಿಂದ್ ಬೋಳಾರ್ , ಇವರು ತುಳು ನಾಟಕ, ಚಲನಚಿತ್ರಗಳು ಮತ್ತು ಯಕ್ಷಗಾನದ ಪ್ರಮುಖ ಕಲಾವಿದರಲ್ಲಿ ಒಬ್ಬರಾಗಿದ್ದಾರೆ. ಕರಾವಳಿ ನಾಟಕಗಳಲ್ಲಿ ಮತ್ತು ತುಳು ಸಿನೆಮಾಗಳಲ್ಲಿ ಕಾಮಿಟಿಯನ್‌ ಪಾತ್ರದಲ್ಲಿ ಭಾರೀ ಹೆಸರುವಾಸಿಯಾಗಿದ್ದಾರೆ .
