ಮುಲ್ಕಿ: ಗಾನ ತರಂಗಿಣಿ ಟ್ರಸ್ಟ್ (ರಿ) ಪ್ರಸ್ತುತ ಪಡಿಸುವ ಆಳ್ವಾಸ್ ನುಡಿಸಿರಿ ಸಂಗೀತ ನಿರ್ದೇಶಕ ಸುಗಮ ಸಂಗೀತ ಗುರುತಿಲಕ ಎಮ್. ಎಸ್. ಗಿರಿಧರ್ ಮತ್ತು ಮಧುರಕಂಠದ ಗಾಯಕಿ ವಸುಧಾ ಗಿರಿಧರ್ ಸಾರಥ್ಯದಲ್ಲಿ ಜಿಲ್ಲಾ ಪ್ರಶಸ್ತಿ ವಿಜೇತ ಸಾಧನಾ ರಾಜ್ಯ ಪ್ರಶಸ್ತಿ ಹಾಗೂ ಕರ್ನಾಟಕ ಸಂಘ ರತ್ನ ಪ್ರಶಸ್ತಿ ಪುರಸ್ಕೃತ ಶ್ರೀ ವಿನಾಯಕ ಮಿತ್ರ ಮಂಡಳಿ (ರಿ) ಪಕ್ಷಿಕೆರೆ ಇದರ ಆಶ್ರಯದಲ್ಲಿ ದುರ್ಗಾಶಕ್ತಿ ಕೆಮ್ರಾಲ್ ಮಂಡಲ,ಒಡಿಯೂರು ಗ್ರಾಮ ವಿಕಾಸ ಒಕ್ಕೂಟ ,ಕೋಡ್ದಬ್ಬು ಯುವಕ ಸಂಘ ಪಕ್ಷಿಕೆರೆ ಇದರ ಸಹಯೋಗದೊಂದಿಗೆ ದಾಸ ಸಿಂಚನ ಕಾರ್ಯಕ್ರಮವು ಜೂ.28 ರಂದು ಅಂಬೇಡ್ಕರ್ ಭವನ ಪಕ್ಷಿಕೆರೆಯಲ್ಲಿ ನಡೆಯಿತು.
ಕಾರ್ಯಕ್ರಮದಲ್ಲಿ ಸಾರ್ವಜನಿಕ ಶ್ರೀ ಗಣೇಶೋತ್ಸವದ ಪ್ರಧಾನ ಅರ್ಚಕರಾದ ವೇದಮೂರ್ತಿ ಪಂಜ ವಾಸುದೇವ ಭಟ್, ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿಯ ಮಾಜಿ ಅಧ್ಯಕ್ಷರಾದ ಸೇಸಪ್ಪ ಸಾಲಿಯಾನ್, ದುರ್ಗಶಕ್ತಿ ಕೆಮ್ರಾಲ್ ಮಂಡಲದ ಅಧ್ಯಕ್ಷರಾದ ಗೀತಾ ಆರ್ ಶೆಟ್ಟಿ, ಒಡಿಯೂರು ಗ್ರಾಮ ವಿಕಾಸ ಒಕ್ಕೂಟ ದ ಮುಖ್ಯಸ್ಥರಾದ ಮಮತಾ ದಾಸ್, ಮಂಡಳಿಯ ಗೌರವಾಧ್ಯಕ್ಷರಾದ ಧನಂಜಯ ಪಿ ಶೆಟ್ಟಿಗಾರ್, ಅಧ್ಯಕ್ಷರಾದ ಯತೀಶ್ ಬಂಗೇರ, ಕಾರ್ಯದರ್ಶಿ ಶರತ್, ಜಂಟಿ ಸಂಸ್ಥೆಗಳ ಸದಸ್ಯರು ಹಾಗೂ ಸ್ಥಳೀಯರು ಭಾಗವಹಿಸಿದ್ದರು.
