ಹೆಬ್ರಿ: ಹೆಬ್ರಿ ಅಮೃತಭಾರತಿ ವಿದ್ಯಾಲಯದಲ್ಲಿ ವಸಂತ ಪಂಚಮಿಯನ್ನು ಬುಧವಾರ ಆಚರಿಸಲಾಯಿತು. ಸರಸ್ವತೀ ದೇವಿಯು ಅವತರಿಸಿದ ಶುಭದಿನದಂದು ಶಾಲಾ ವಿದ್ಯಾರ್ಥಿಗಳು ದೇವರ ಭಜನೆಯನ್ನು ಗುರೂಜಿ ಮಾತಾಜಿಯವರೊಂದಿಗೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ ಉದಯೋನ್ಮುಖ ವಿದ್ವಾಂಸ ಗುರುರಾಜ ಭಟ್ ಉಡುಪಿ ಮಾತನಾಡಿ, ಸರಸ್ವತೀ ದೇವಿಯು ವಿದ್ಯಾಬುದ್ಧಿಯನ್ನು ನೀಡುವ, ಋಷಿ ಮುನಿಗಳು ಆರಾಧನೆ ಮಾಡಿ ಒಲಿಸಿಕೊಂಡ ದೇವತೆಯಾಗಿದ್ದು, ನಾವೆಲ್ಲರೂ ಪ್ರತಿನಿತ್ಯ ಪೂಜಿಸಬೇಕಾದ ದೇವತೆಯಾಗಿದ್ದಾಳೆ ಎಂದು ವಸಂತ ಪಂಚಮಿಯ ಮಹತ್ವವನ್ನು ವಿವರಿಸಿದರು.
ಈ ಸಮಾರಂಭದಲ್ಲಿ ಶಾಲಾ ಮುಖ್ಯಸ್ಥರಾದ ಅಪರ್ಣಾ ಆಚಾರ್, ಶಕುಂತಲಾ ಹಾಗೂ ಸಂಸ್ಥೆಯ ಗುರೂಜಿ ಮಾತಾಜಿ ವಿದ್ಯಾರ್ಥಿಗಳು ಉಪಸ್ಥಿತರಿದ್ದು, ಸಂಸ್ಕೃತ ಶಿಕ್ಷಕ ವಿದ್ವಾನ್ ವೇದವ್ಯಾಸ ತಂತ್ರಿ ಮಡಾಮಕ್ಕಿ ವಂದಿಸಿದರು.
ಉಡುಪಿ, ಮಂಗಳೂರಿನಲ್ಲಿ ಕೆಲಸ ಬೇಕೇ? ಸರ್ಕಾರಿ, ಅರೆಸರ್ಕಾರಿ, ಖಾಸಗಿ ಕಂಪೆನಿಗಳ ಉದ್ಯೋಗಾವಕಾಶಗಳ ಕುರಿತ ಸಂಪೂರ್ಣ ವಿವರಗಳಿಗೆ ಈ ಲಿಂಕ್ ಕ್ಲಿಕ್ ಮಾಡಿ
