ನವದೆಹಲಿ, ಆ.21 : ಜಿಎಸ್ಟಿ ದರಗಳನ್ನು ಸರಳೀಕರಿಸಲು ಕೇಂದ್ರ ಸರ್ಕಾರ ಪ್ರಮುಖ ಬದಲಾವಣೆ ಮಾಡಿದೆ. ಬಿಹಾರ ಉಪಮುಖ್ಯಮಂತ್ರಿ ಸಾಮ್ರಾಟ್ ಚೌಧರಿ ನೇತೃತ್ವದ ಜಿಎಸ್ಟಿ ದರಗಳ ಕುರಿತ ಸಚಿವರ ಗುಂಪು ಕೇಂದ್ರದ ಪ್ರಸ್ತಾವನೆಯನ್ನು ಅನುಮೋದಿಸಿದೆ. ಈ ಪ್ರಸ್ತಾವನೆಯಡಿಯಲ್ಲಿ, ಅಸ್ತಿತ್ವದಲ್ಲಿರುವ ನಾಲ್ಕು ಸ್ಲ್ಯಾಬ್’ಗಳನ್ನು (5%, 12%, 18% ಮತ್ತು 28%) ರದ್ದುಗೊಳಿಸಲಾಗಿದೆ ಮತ್ತು ಅದನ್ನು ಕೇವಲ ಎರಡು ಸ್ಲ್ಯಾಬ್’ಗಳು 5% ಮತ್ತು 18%ಗೆ ಬದಲಾಯಿಸಲು ಅನುಮೋದಿಸಲಾಗಿದೆ.
ಪ್ರಸ್ತುತ 4ರ ಬದಲಿಗೆ ಇನ್ನುಮುಂದೆ ಕೇವಲ 2 ಸ್ಲ್ಯಾಬ್’ಗಳು
ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ದರ ತರ್ಕಬದ್ಧಗೊಳಿಸುವಿಕೆಯ ಕುರಿತು ಸಚಿವರ ಗುಂಪಿನ ಪ್ರಮುಖ ಸಭೆಯಲ್ಲಿ ದೊಡ್ಡ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.ಇದರಲ್ಲಿ ರಾಜ್ಯಗಳು ಕೇಂದ್ರದ ಪ್ರಸ್ತಾವನೆಯನ್ನು ಅನುಮೋದಿಸಿವೆ, ಇದರ ಅಡಿಯಲ್ಲಿ ಉSಖಿ ಸ್ಲ್ಯಾಬ್’ಗಳ ಸಂಖ್ಯೆಯನ್ನ ಕೇವಲ 2ಕ್ಕೆ ಇಳಿಸಲಾಗುತ್ತದೆ.ಆಯ್ದ ಐಷಾರಾಮಿ ಮತ್ತು ಹಾನಿಕಾರಕ ಉತ್ಪನ್ನಗಳ ಮೇಲೆ (ಪಾಪ ಸರಕುಗಳು) 40% ತೆರಿಗೆ ಮುಂದುವರಿಯಲಿದೆ.
ಈ ಮಹತ್ವದ ಬದಲಾವಣೆಯ ನಂತರ, ಹೆಚ್ಚಿನ ಸರಕುಗಳು ಅಗ್ಗವಾಗಬಹುದು. ಪ್ರಸ್ತುತ 12% ಜಿಎಸ್ಟಿ ಅಡಿಯಲ್ಲಿ ಬರುವ ಸುಮಾರು 99% ಸರಕುಗಳನ್ನು 5% ಜಿಎಸ್ಟಿ ಸ್ಲ್ಯಾಬ್‌ಗೆ ಸ್ಥಳಾಂತರಿಸಲಾಗುತ್ತದೆ. ಅದೇ ಸಮಯದಲ್ಲಿ, 28% ಜಿಎಸ್ಟಿ ಹೊಂದಿರುವ 90% ಸರಕುಗಳನ್ನು ಕಡಿಮೆ ಮಾಡಿ 18% ಸ್ಲ್ಯಾಬ್‌ಗೆ ವರ್ಗಾಯಿಸಲಾಗುತ್ತದೆ. ಇದು ಸಾಮಾನ್ಯ ಜನರ ಜೇಬಿನ ಮೇಲೆ ನೇರ ಪರಿಣಾಮ ಬೀರುತ್ತದೆ ಏಕೆಂದರೆ ಅನೇಕ ಅಗತ್ಯ ವಸ್ತುಗಳು ಮೊದಲಿಗಿಂತ ಹೆಚ್ಚು ಕೈಗೆಟುಕುವಂತಾಗಬಹುದು.
