ಕಾರ್ಕಳ: ಕಾರು ಚಾಲಕ ಓವರ್’ಟೇಕ್ ಮಾಡುವ ಭರದಲ್ಲಿ ಸ್ಕೂಟರಿಗೆ ಡಿಕ್ಕಿಯಾದ ಪರಿಣಾಮ ಸ್ಕೂಟರ್ ಸವಾರ ಸೇರಿದಂತೆ ಮೂವರು ಗಾಯಗೊಂಡ ಘಟನೆ ಕಾರ್ಕಳ ತಾಲೂಕಿನ ಎಣ್ಣೆಹೊಳೆ ಎಂಬಲ್ಲಿ ಸೋಮವಾರ ನಡೆದಿದೆ.
ಸ್ಕೂಟರ್ ಸವಾರ ಮೊಹಮ್ಮದ್ ರಶೀದ್ ,ಅವರ ತಾಯಿ ಅವ್ವಮ್ಮ ಹಾಗೂ ಮಗ ಮೊಹಮ್ಮದ್ ರವೂಫ್ ಎಂಬವರು ಕಾರ್ಕಳ ಕಡೆಗೆ ಹೋಗುತ್ತಿದ್ದಾಗ ಹಿಂಬದಿಯಿಂದ ಅತಿವೇಗವಾಗಿ ಬಂದ ಕಾರು ಚಾಲಕ ಸ್ಕೂಟರ್ ಓವರ್’ಟೇಕ್ ಮಾಡಲು ಯತ್ನಿಸಿದಾಗ ಸ್ಕೂಟರಿಗೆ ತಗುಲಿದ ಪರಿಣಾಮ ಸ್ಕೂಟರ್ ಮಗುಚಿಬಿದ್ದು ಮೂವರು ಗಾಯಗೊಂಡಿದ್ದಾರೆ. ಗಾಯಗೊಂಡ ಅವರನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಈ ಕುರಿತು ಅಜೆಕಾರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
