ಕಾರ್ಕಳ, ನ. 27: ಕಾರ್ಕಳದ ಡಾ. TMA ಪೈ ರೋಟರಿ ಆಸ್ಪತ್ರೆಯಲ್ಲಿ ನ, 29 ರಂದು ಉಚಿತವಾಗಿ ಕ್ರೀಡಾ ಗಾಯಗಳ ತಪಾಸಣಾ ಶಿಬಿರವನ್ನು ಆಯೋಜಿಸಲಾಗಿದೆ.
ಇದನ್ನು ಕ್ರೀಡಾಪಟುಗಳು, ವಿದ್ಯಾರ್ಥಿಗಳು, ಫಿಟ್‌ನೆಸ್ ಉತ್ಸಾಹಿಗಳು ಮತ್ತು ಕ್ರೀಡೆಗಳಿಗೆ ಸಂಬಂಧಿಸಿದ ಗಾಯಗಳನ್ನು ತಡೆಗಟ್ಟಲು ಅಥವಾ ನಿರ್ವಹಿಸಲು ಬಯಸುವ ಸಕ್ರಿಯ ವ್ಯಕ್ತಿಗಳಿಗಾಗಿ ಆಯೋಜಿಸಲಾಗಿದ್ದು,ನ.29 ರಂದು ಶನಿವಾರ ಮಧ್ಯಾಹ್ನ 2ರಿಂದ ಸಂಜೆ 5ರವರೆಗೆ ನಡೆಯಲಿದೆ. ಈ ಶಿಬಿರದಲ್ಲಿ ಭಾಗವಹಿಸುವವರಿಗೆ ಕ್ರೀಡಾ ಔಷಧ ಹಾಗೂ ತಜ್ಞರೊಂದಿಗೆ ಉಚಿತ ಸಮಾಲೋಚನೆಯನ್ನು ನೀಡಲಾಗುತ್ತದೆ. ಶಿಬಿರದಲ್ಲಿ ಕ್ರೀಡಾ ಗಾಯದ ಮೌಲ್ಯಮಾಪನ, ಕೀಲು ಮತ್ತು ಸ್ನಾಯು ಪರೀಕ್ಷೆ, ದೇಹಸ್ಥಿತಿ ಮತ್ತು ಚಲನೆಯ ವಿಶ್ಲೇಷಣೆ, ಕ್ರೀಡೆಗೆ ಮರಳುವ ಮಾರ್ಗದರ್ಶನ, ಭುಜ, ಗಂಟು ಮತ್ತು ನಿರಂತರ ಬೆನ್ನು ನೋವಿನ ತಪಾಸಣೆ, ಫಿಸಿಯೋಥೆರಪಿ ಹಾಗೂ ಪುನಶ್ಚೇತನಾ ಸಲಹೆಗಳು ಸೇರಿವೆ. ಈ ಉಚಿತ ಸೇವೆಗಳ ಜೊತೆಗೆ, ಆಸ್ಪತ್ರೆಯು ಅವಶ್ಯ ಸ್ಕ್ಯಾನ್‌ಗಳು ಮತ್ತು ಪರೀಕ್ಷೆಗಳ ಮೇಲೆ 20% ರಿಯಾಯಿತಿ ಹಾಗೂ ಅಗತ್ಯವಿದ್ದರೆ ಕಾರ್ಯವಿಧಾನಗಳು ಅಥವಾ ಶಸ್ತ್ರಚಿಕಿತ್ಸೆಯ ಮೇಲೆ 20% ರಿಯಾಯಿತಿಯನ್ನು ನೀಡಲಿದೆ. ಶಸ್ತ್ರಚಿಕಿತ್ಸಾ ವೆಚ್ಚದಲ್ಲಿನ ರಿಯಾಯಿತಿಯು ಡಿ. 31ರವರೆಗೆ ಇರಲಿದೆ.
ಕ್ರೀಡಾ ಮತ್ತು ಫಿಟ್‌ನೆಸ್ ಚಟುವಟಿಕೆಗಳಲ್ಲಿ ಹೆಚ್ಚುತ್ತಿರುವ ಒಳಗೊಳ್ಳುವಿಕೆ, ತಡೆಗಟ್ಟಬಹುದಾದ ಗಾಯಗಳ ಹೆಚ್ಚಳಕ್ಕೆ ಕಾರಣವಾಗಿದೆ, ಆರಂಭಿಕ ಸ್ಕ್ರೀನಿಂಗ್ ನಿಂದ ಸಕ್ರಿಯ ವ್ಯಕ್ತಿಗಳು ಸುರಕ್ಷಿತ ಮತ್ತು ಗಾಯ-ಮುಕ್ತವಾಗಿರಲು ಸಹಾಯ ಮಾಡುತ್ತದೆ ಎಂದು ಆಸ್ಪತ್ರೆಯ ಮುಖ್ಯ ಆಡಳಿತ ವೈದ್ಯಾಧಿಕಾರಿ ಡಾ ಕೀರ್ತಿನಾಥ ಬಲ್ಲಾಳ್ ತಿಳಿಸಿದ್ದಾರೆ.
ನೋಂದಾವಣೆಯು ಸೀಮಿತವಾಗಿದ್ದು, ಮೊದಲು ಕರೆ ಮಾಡಿ ನೋಂದಣಿ ಮಾಡಿದವರಿಗೆ ಅವಕಾಶ. ಹೆಚ್ಚಿನ ಮಾಹಿತಿಗಾಗಿ ಮತ್ತು ನೋಂದಾವಣೆಗಾಗಿ 9731601150/08258-230583 ಅನ್ನು ಸಂಪರ್ಕಿಸಬಹುದಾಗಿದೆ.
.
