ಉಡುಪಿ: ಉಡುಪಿಯ ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜು ನ್ಯಾಕ್ 4ನೇ ಆವೃತ್ತಿಯಲ್ಲಿ 3.14 ಸಿಜಿಪಿಎ ಪಡೆದು ಎ ಗ್ರೇಡ್ ಮಾನ್ಯತೆ ಪಡೆದುಕೊಂಡಿದೆ. ದಕ್ಷಿಣ ಭಾರತದಲ್ಲೇ ಅತ್ಯಧಿಕ ಅಂಕ ಪಡೆದ ಏಕೈಕ ಸಂಧ್ಯಾ ಕಾಲೇಜು ಇದಾಗಿದೆ. 57 ವರ್ಷಗಳ ಇತಿಹಾಸ ಇರುವ ಕರ್ನಾಟಕದ ಎರಡನೇ ಸಂಧ್ಯಾ ಕಾಲೇಜು ಈಗ ಕರ್ನಾಟಕದಲ್ಲೇ ಮುಂಚೂಣಿಯ ಸಂಧ್ಯಾ ಕಾಲೇಜು ಎಂಬ ಹಿರಿಮೆಯನ್ನು ಪಡೆದಿದೆ.
ಸಂಸ್ಥೆಯ ಈ ಸಾಧನೆಗೆ ಅಧ್ಯಕ್ಷರಾದ ಶ್ರೀ ಈಶಪ್ರೀಯ ತೀರ್ಥ ಸ್ವಾಮೀಜಿ, ಗೌರವಕಾರ್ಯದರ್ಶಿ ಸಿಎ. ಪ್ರಶಾಂತ ಹೊಳ್ಳ ಟಿ, ಗೌರವ ಕೋಶಾಧಿಕಾರಿ ಡಾ. ಜಿ.ಎಸ್. ಚಂದ್ರಶೇಖರ, ಆಡಳಿತ ಮಂಡಳಿಯ ಸದಸ್ಯರು,ಪ್ರಾಚಾರ್ಯರಾದ ಡಾ. ಸುಕನ್ಯಾ ಮೇರಿ,ಉಪ ಪ್ರಾಚಾರ್ಯರಾದ ವಿನಾಯಕ ಪೈ ಸಂಸ್ಥೆಯನ್ನು ಅಭಿನಂದಿಸಿದ್ದಾರೆ
