ಕಾರ್ಕಳ : ತಾಲೂಕಿನ ಕುಕ್ಕುಜೆ ದೊಂಡೇರಂಗಡಿ ಯಶಸ್ವಿ ಗೆಳೆಯರ ಬಳಗದ ವತಿಯಿಂದ 10ನೇ ವರ್ಷದ ಶನಿಕಲ್ಪೋಕ್ತ ಪೂಜೆಯು ಜ.21 ಶನಿವಾರದಂದು ಸಂಜೆ 4ಕ್ಕೆ ದೊಂಡೇರAಗಡಿ ಶ್ರೀರಾಮ ಮಂದಿರದಲ್ಲಿ ಎಳ್ಳಾರೆ ಶ್ರೀ ಜನಾರ್ದನ ಆಚಾರ್ಯರ ನೇತತ್ವದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ.
ರಾತ್ರಿ 7ಕ್ಕೆ ಮಹಾಪೂಜೆ, ಪ್ರಸಾದ ವಿತರಣೆ ಹಾಗೂ ಸಾರ್ವಜನಿಕ ಅನ್ನ ಸಂತರ್ಪಣೆ ನಡೆಯಲಿದೆ.
ರಾತ್ರಿ 8.00ರಿಂದ ಶ್ರೀ ರಾಮಮಂದಿರದ ಬಳಿ ಇರುವ ಮಲ್ಲಿಗೆ ಪಡುಪು ದಿ.ರಮೇಶ್ ರಾವ್ ವೇದಿಕೆಯಲ್ಲಿ ಸಭಾ ಕಾರ್ಯಕ್ರಮ ನಡೆಯಲಿದ್ದು ಉದಯ್ ಕುಮಾರ್ ಶೆಟ್ಟಿ ಮುನಿಯಾಲು ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಾದ ಮುನಿರಾಜ ರೆಂಜಾಳ ಧಾರ್ಮಿಕ ಪ್ರವಚನ ನೀಡಲಿದ್ದಾರೆ.
ರಾತ್ರಿ 9:00 ರಿಂದ ವಿವಿಧ ನೃತ್ಯ ವೈವಿಧ್ಯ ಮತ್ತು ತುಳು ಹಾಸ್ಯಮಯ ನಾಟಕ “ದಾಯೆ ಇಂಚ ಮಲ್ತ……” ಪ್ರದರ್ಶನಗೊಳ್ಳಲಿದೆ ಎಂದು ಪ್ರಕಟಣೆ ತಿಳಿಸಿದೆ.
