ಕಾರ್ಕಳ: ಕ್ರೀಡಾ ಭಾರತಿ ಕಾರ್ಕಳ ಸಹಯೋಗದಲ್ಲಿ ಕಾರ್ಕಳ ತಾಲೂಕು ಮಟ್ಟದ ಆಹ್ವಾನಿತ ತಂಡಗಳ ಕಬಡ್ಡಿ ಪಂದ್ಯಾಟವು ಬಜಗೋಳಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಆವರಣದಲ್ಲಿ ಭಾನುವಾರ ನಡೆಯಿತು..
¸ಬಜಗೋಳಿಯ ಖ್ಯಾತ ವೈದ್ಯರಾದ ಡಾಕ್ಟರ್ ರಾಮದಾಸ್ ಹೆಗ್ದೆ ಕ್ರೀಡಾಕೂಟವನ್ನು ಉದ್ಘಾಟಿಸಿದರು. ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕಾರ್ಕಳ ತಾಲೂಕು ಸಂಘಚಾಲಕ ಉದಯ್ ಕುಮಾರ್ ಶೆಣೈ ಅಧ್ಯಕ್ಷತೆಯನ್ನು ವಹಿಸಿದರು.
ಕ್ರೀಡಾ ಭಾರತಿಯ ಉಡುಪಿ ಜಿಲ್ಲಾ ಕಾರ್ಯಕಾರಿಣಿ ಸದಸ್ಯ ಮಂಜುನಾಥ ಶೆಟ್ಟಿ, ಬೈಲೂರು ಹಾಗೂ ಕಾರ್ಕಳ ತಾಲೂಕು ಅಧ್ಯಕ್ಷ ಶಿವಾನಂದ ಕಾಮತ್ ಇವರು ಉಪಸ್ಥಿತರಿದ್ದರು.
ಕ್ರೀಡಾ ಭಾರತೀಯ ವಿಭಾಗ ಸಂಯೋಜಕ ಪ್ರಸನ್ನ ಶೆಣೈ ಕಾರ್ಕಳ ಇವರು ಪ್ರಸ್ತಾವನೆಗೈದರು. ಅಜಿತ್ ಕಾಮತ್ ಕಾರ್ಕಳ ಕಾರ್ಯಕ್ರಮವನ್ನು ನಿರೂಪಿಸಿದರು. ಸುಮಂತ ಜೋಶಿ ವಂದಿಸಿದರು. ಪ್ರಥಮ ಸ್ಥಾನವನ್ನು ಮುಡಾರು ಚೌಕಿ ತಂಡ ದ್ವಿತೀಯ ಸ್ಥಾನ ಈದು ಹಾಗೂ ತೃತೀಯ ಮುಡಾರು ದಿಡಿಂಬಿರಿ ತಂಡ ಗೆದ್ದಿತು. ಬಾಲಕರ ತಂಡದಲ್ಲಿ ದುರ್ಗ ಮುಂಡ್ಲಿ ಪ್ರಥಮ, ದ್ವಿತೀಯ ಮುಡಾರು ದಿಡಿಂಬಿರಿ ತೃತೀಯ ನಲ್ಲೂರು ತಂಡ ಪಡೆದುಕೊಂಡಿತು. ಕ್ರೀಡಾಕೂಟದಲ್ಲಿ ಒಟ್ಟು 21 ತಂಡಗಳು ಭಾಗವಹಿಸಿದ್ದವು.
