ಕಾಸರಗೋಡು : 2022ರಲ್ಲಿ ಇಸ್ಲಾಮಿಕ್ ಸ್ಟೇಟ್‌ಗೆ ಸೇರಲು ಸಿರಿಯಾಕ್ಕೆ ತೆರಳಿದ್ದ ಕೇರಳದ ನಾಪತ್ತೆಯಾದ 21 ಮಂದಿಯ ಕುರಿತು ಸುದ್ದಿ ವರದಿಗಳು ಮುಖ್ಯವಾಹಿನಿಯ ಮಾಧ್ಯಮಗಳಲ್ಲಿ ಬಿತ್ತರ ಆಗುತ್ತಿದ್ದಂತೆಯೇ, ಕೇರಳದಲ್ಲಿ ತಮ್ಮ ಪ್ರಚಾರಕ್ಕೆ ಐಎಸ್ ಐ ಪ್ರತಿನಿಧಿಗಳು ವಾಟ್ಸಾಪ್ ಗೆ ಮೊರೆ ಹೋಗುತ್ತಿದ್ದಾರೆ ಎಂಬ ಅಘಾತಕಾರಿ ಅಂಶ ಬಯಲಾಗಿದೆ. ಇತ್ತೀಚೆಗೆ ಕಾಸರಗೋಡಿನ ಅಣಂಗೂರಿನ ಹಾರಿಸ್ ಮಸ್ತಾನ್ ಎಂಬಾತನಿಗೆ ನಾಪತ್ತೆಯಾಗಿದ್ದ 21 ಮಂದಿಯಿಂದ ಐಎಸ್‌ಗೆ ಸಂಬಂಧಿಸಿದಂತೆ ವಾಟ್ಸಾಪ್ ಸಂದೇಶಗಳು ಬರಲಾರಂಭಿಸಿದ್ದವು. ‘ಮೆಸೇಜ್ ಟು ಕೇರಳ’ ಎಂಬ ಗ್ರೂಪ್‌ಗೆ ಆತನನ್ನು ಸೇರಿಸಿರುವುದನ್ನು ಗಮನಿಸಿದ ಹ್ಯಾರಿಸ್,ಪೊಲಿಸರಿಗೆ ದೂರು ನೀಡಿದ್ದಾನೆ.
ಅಫ್ಘಾನಿಸ್ತಾನದ ಅಬು ಇಸಾ ಎಂಬ ವ್ಯಕ್ತಿ ಈ ಗ್ರೂಪ್ ನ ಅಡ್ಮಿನ್ ಎಂದು ಹೇಳಲಾಗಿದೆ.
ಅಬು ಇಸಾ ಎಂಬುದು ತನ್ನ ಸಹೋದರ ಯಾಹಿಯಾ ಅಲಿಯಾಸ್ ಬೆಸ್ಟಿನ್ ಮತ್ತು ಆತನ ಪತ್ನಿಯರೊಂದಿಗೆ ಐಎಸ್‌ಐಗೆ ಸೇರಲು ಸಿರಿಯಾಕ್ಕೆ ಹೋಗಿದ್ದ. ಯಾಹಿಯಾ ಇತ್ತೀಚೆಗೆ ಅಫ್ಘಾನಿಸ್ತಾನದಲ್ಲಿ ಡ್ರೋನ್ ದಾಳಿಯಲ್ಲಿ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಗ್ರೂಪ್‌ನಿಂದ ಹ್ಯಾರಿಸ್‌ಗೆ ಬಂದ ಸಂದೇಶಗಳಲ್ಲಿ, ಕೆಲವರು ಉಗ್ರಗಾಮಿ ಇಸ್ಲಾಮಿಕ್ ಚಿಂತನೆಯ ಬರಹಗಳನ್ನು ಶ್ಲಾಘಿಸಿದ್ದಾರೆ. ಏನು ಈ ಗ್ರೂಪ್ ಎಂದು ಕೇಳಿದಾಗ ಜಿಹಾದ್ ಹಾದಿಯನ್ನು ಹಿಡಿಯುವಂತೆ ಒತ್ತಾಯಿಸುವ ಧ್ವನಿ ಸಂದೇಶಗಳು ಬಂದವು. ನಂತರ ಕಾಣೆಯಾದ 21 ಮಂದಿಯ ನಾಯಕ ರಶೀದ್ ಅಬ್ದುಲ್ಲಾಗೆ ಏನಾಯಿತು ಮತ್ತು ಅವರು ಸಿರಿಯಾದಲ್ಲಿ ಕೊಲ್ಲಲ್ಪಟ್ಟರು ಎಂಬುದು ನಿಜವೇ ಎಂದು ಹ್ಯಾರಿಸ್ ಕೇಳಿದರು. ಈ ವೇಳೆ, ಸ್ವತಃ ರಶೀದ್ ಎಂದು ಹೇಳಿಕೊಳ್ಳುವ ವ್ಯಕ್ತಿಯಿಂದ ಅವರು ಉತ್ತರ ಬಂದಿದ್ದು “ಎನ್ಐಎ ಮತ್ತು ಇತರ ಹಲವು ಏಜೆನ್ಸಿಗಳು ಎಲ್ಲಾ ರೀತಿಯ ಸುದ್ದಿಗಳನ್ನು ಪ್ರಕಟಿಸುತ್ತವೆ. ಆದರೆ ಎನ್ಐಎ ಯಾವುದೇ ಮೂಲಗಳನ್ನು ಹೊಂದಿಲ್ಲ ಹಾಗೂ ವಿಶ್ವಾಸಾರ್ಹವಲ್ಲದ ಮಾಹಿತಿಯನ್ನು ಬಿಡುಗಡೆ ಮಾಡುತ್ತಾರೆ. ರಶೀದ್ ಅಬ್ದುಲ್ಲಾ ಸಾವಿನ ಸುದ್ದಿ ಎಲ್ಲಿಂದ ಬಂತು ಎಂದು ತಿಳಿದಿಲ್ಲ. ಅದನ್ನು ಕೇಳಿ ನನಗೆ ಆಶ್ಚರ್ಯವಾಯಿತು ಏಕೆಂದರೆ ನಾನು ರಶೀದ್ ಅಬ್ದುಲ್ಲಾ, ಎಂದು ಸಂದೇಶ ವಾಟ್ಸ್‌ ಆಪ್‌ಗೆ ಬಂದಿದ್ದು ಆಶ್ಚರ್ಯ ಮೂಡಿಸಿತ್ತು. ನಾಪತ್ತೆಯಾಗಿರುವ 21 ಕೇರಳಿಗರೊಂದಿಗೆ ಯಾವುದೇ ಸಂಬಂಧವನ್ನು ಹೊಂದಿಲ್ಲದ ಕಾರಣ ಅವರನ್ನು ಗುಂಪಿಗೆ ಏಕೆ ಸೇರಿಸಲಾಗಿದೆ ಎಂದು ಹ್ಯಾರಿಸ್ ಹೇಳಿದರು. “ಅವರು ನನ್ನನ್ನು ಗುಂಪಿಗೆ ಏಕೆ ಸೇರಿಸಿದ್ದಾರೆ ಎಂದು ನಾನು ಕೇಳಿದಾಗ, ಅದಕ್ಕೆ ಆ ಕಡೆಯಿಂದ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. ಅಷ್ಟೊತ್ತಿಗಾಗಲೇ ನನ್ನಂತೆ ಗ್ರೂಪ್‌ಗೆ ಸೇರ್ಪಡೆಗೊಂಡಿದ್ದ ಇನ್ನೂ ಅನೇಕ ಸದಸ್ಯರು ಈ ಗುಂಪು ಅಪಾಯಕಾರಿ, ಆದಷ್ಟು ಬೇಗ ಇದನ್ನು ಬಿಡೋಣ ಎಂದು ಹೇಳತೊಡಗಿದರು. ಹಾಗಾಗಿ ನಾನು ತಕ್ಷಣ ಪೊಲೀಸರಿಗೆ ಕರೆ ಮಾಡಿದೆ ಎಂದು ಹ್ಯಾರಿಸ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.ಗುರುವಾರ ರಾತ್ರಿ ಹ್ಯಾರಿಸ್ ದೂರಿನ ನಂತರ, ಎನ್ಐಎ ಅಧಿಕಾರಿಗಳು ಆತನಿಂದ ಹೇಳಿಕೆಗಳನ್ನು ಮತ್ತು ಅವರ ಫೋನ್‌ನಿಂದ ಎಲ್ಲಾ ಸಾಕ್ಷ್ಯಗಳನ್ನು ತೆಗೆದುಕೊಂಡರು. ಈ ಬೆಳವಣಿಗೆಗಳ ನಡುವೆ ಗ್ರೂಪ್ ಅಡ್ಮಿನ್ ಅಬು ಇಸಾ ಎಂದು ಹೇಳಿಕೊಂಡು, ಅದೇ ಬೆಕ್ಸೆನ್ ತನ್ನ ಸಹೋದರ ಮತ್ತು ಅವರ ಪತ್ನಿಯರಾದ ತಿರುವನಂತಪುರದ ನಿಮಿಷಾ ಮತ್ತು ಎರ್ನಾಕುಲಂನ ಮೆರಿನ್ ರೊಂದಿಗೆ ಪಾಲಕ್ಕಾಡ್‌ನಿಂದ ಹೋಗಿದ್ದಾರೆ ಎಂದು ಸಂಶಯಿಸಲಾಗಿದೆ.
ನೀವು ಈಗಾಗಲೇ ಶಿಕ್ಷಣ ಮುಗಿಸಿ ಉದ್ಯೋಗದ ಹುಡುಕಾಟದಲ್ಲಿ ಇದ್ದೀರಾ? ಉಡುಪಿ, ಮಂಗಳೂರಿನಲ್ಲಿ ಕೆಲಸ ಬೇಕೇ? ಸರ್ಕಾರಿ, ಅರೆಸರ್ಕಾರಿ, ಖಾಸಗಿ ಕಂಪೆನಿಗಳ ಉದ್ಯೋಗಾವಕಾಶಗಳ ಕುರಿತ ಸಂಪೂರ್ಣ ವಿವರಗಳಿಗೆ ಈ ಲಿಂಕ್ ಕ್ಲಿಕ್ ಮಾಡಿ
