ಕಾರ್ಕಳ: ಶಾಲಾ ಬಸ್ ಚಾಲಕನಿಗೆ ಅಪರಿಚಿತ ವ್ಯಕ್ತಿಯೊಬ್ಬ ಹಲ್ಲೆ ನಡೆಸಿ ಜೀವ ಬೆದರಿಕೆಯೊಡ್ಡಿರುವ ಘಟನೆ ಕಾರ್ಕಳದಲ್ಲಿ ಶುಕ್ರವಾರ ನಡೆದಿದೆ.
ಸುರೇಶ್ (55) ಎಂಬವರು ಶುಕ್ರವಾರ ಶ್ರೀಭುವನೇಂದ್ರ ರೆಸಿಡೆನ್ಸಿಯಲ್‌ ಸ್ಕೂಲ್‌ ನಿಂದ ಮಕ್ಕಳನ್ನು ಕರೆದುಕೊಂದು ಕಾರ್ಕಳ ತಾಲೂಕಿನ ಕಸಬಾ ಗ್ರಾಮದ ಆನೆಕೆರೆ ಭವಾನಿ ಮಿಲ್ ನ ಹತ್ತಿರ ಪಾಯಸ್‌ ಗ್ಯಾರೇಜ್‌ ಎದುರಿಗೆ ಹೋಗುತ್ತಿರುವಾಗ ಅಪರಿಚಿತ ಬೈಕ್ ಸವಾರನೊಬ್ಬ ಬಸ್ಸಿನ ಎದುರಿಗೆ ಬೈಕನ್ನು ಅಡ್ಡ ನಿಲ್ಲಿಸಿ ಚಾಲಕ ಸುರೇಶ್ ರನ್ನು ಸೀಟಿನಿಂದ ಕೆಳಗೆ ಎಳೆದು ಕೈಯಲ್ಲಿದ್ದ ಹೆಲ್ಮೆಟ್‌ ನಿಂದ ತಲೆಗೆ ಹಲ್ಲೆ ನಡೆಸಿ ಅವಾಚ್ಯ ಶಬ್ದಗಳಿಂದ ಬೈದು ನಿನ್ನನ್ನು ನಾನು ಕೊಲ್ಲುತ್ತೇನೆ ಎಂದು ಜೀವ ಬೆದರಿಕೆಯೊಡ್ಡಿದ್ದಾನೆ.
ಶಾಲಾ ವಾಹನದ ನಿರ್ವಾಹಕಿ ಸವಿತಾ ರವರು ಸುರೇಶ್ ರಿಗೆ ಕಾರ್ಕಳ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿದ್ದು, ಈ ಕುರಿತು ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
