ಕಾರ್ಕಳ, ಮಾ.4: ಅಕ್ಕನ ಮೇಲೆ ತಮ್ಮನೇ ಹಲ್ಲೆ ನಡೆಸಿ, ಅವಾಚ್ಯ ಶಬ್ದಗಳಿಂದ ಬೈದು, ಜೀವ ಬೆದರಿಕೆ ಹಾಕಿರುವ ಘಟನೆ ತಾಲೂಕಿನ ಕಾಂತಾವರ ಗ್ರಾಮದ ಬೇಲಾಡಿಯಲ್ಲಿ ನಡೆದಿದ್ದು, ಪ್ರಕರಣ ದಾಖಲಾಗಿದೆ.
ಬೇಲಾಡಿಯ ಸ್ವಾತಿ ಶೆಟ್ಟಿ ಅವರು ತಮ್ಮ ತಾಯಿಯೊಂದಿಗೆ ಬೇಲಾಡಿಯಲ್ಲಿ ವಾಸವಿದ್ದು, ಫೆ.25 ರಂದು ನಾಗಬನದಲ್ಲಿ ಪೂಜೆ ಮುಗಿಸಿ ಮನೆಗೆ ಬಂದಾಗ ಸಹೋದರ ಅಭಿನಂದನ್ ಅಡ್ಯಂತಾಯ ಅವರು ಪೂಜೆ ಮಾಡಿದ ನಾರಾಯಣ ಭಟ್ ಅವರಿಗೆ ಅವಾಚ್ಯ ಶಬ್ದಗಳಿಂದ ಬೈಯಲು ಆರಂಭಿಸಿದ್ದು, ತಾಯಿ ಅವರಿಗೆ ಜೋರು ಮಾಡಬೇಡ ಹೇಳಿದ್ದರು.ಆಗ ಅಭಿನಂದನ್ ಮನೆಯಲ್ಲಿದ್ದ ಮಣ್ಣಿನ ಮಡಕೆ ಒಡೆದು ಹಾಕಿ ಅಕ್ಕ ಸ್ವಾತಿ ಅವರಿಗೆ ಬೈದು, ಅವರ ಜಡೆ ಹಿಡಿದು ಎಳೆದು ಕಂಬಕ್ಕೆ ತಲೆಯನ್ನು ಗುದ್ದಿ, ಹೊರಗೆ ಎಳೆದುಕೊಂಡು ಬಂದು ರೀಪಿನಿಂದ ಹಲ್ಲೆ ನಡೆಸಿ ಗಾಯಗೊಳಿಸಿದ್ದಾನೆ. ಅಲ್ಲದೇ ಕೊಲ್ಲುವುದಾಗಿ ಶೂ ಲೇಸ್ ಹಿಡಿದುಕೊಂಡು ಬಂದು ಜೀವ ಬೆದರಿಕೆ ಹಾಕಿದ್ದಾನೆ ಎಂದು ಸ್ವಾತಿ ಶೆಟ್ಟಿ ದೂರು ನೀಡಿದ್ದು, ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
.
.
.
.
.
.
.
.
.
.
