ಕಾರ್ಕಳ: ಜಾಗದ ತಕರಾರಿನ ಹಿನ್ನೆಲೆಯಲ್ಲಿ ಮಹಿಳೆಯರಿಬ್ಬರು ಪರಸ್ಪರ ಹೊಡೆದಾಡಿಕೊಂಡ ಘಟನೆ ಕಾರ್ಕಳ ತಾಲೂಕಿನ ನಿಟ್ಟೆ ಗ್ರಾಮದಲ್ಲಿ ನಡೆದಿದೆ.
ಫ್ಲೋರಿನ್ ಸಲ್ದಾನಾ ಎಂಬವರು ಏ.27 ರಂದು ಸಂಜೆ 4:30 ಕ್ಕೆ ತಮ್ಮ ಜಾಗದಲ್ಲಿರುವ ಟಾಯ್ಲೆಟ್ ಗುಂಡಿಯನ್ನು ಜೆ.ಸಿ.ಬಿ. ಯಿಂದ ಮುಚ್ಚುವ ಕೆಲಸ ಮಾಡಿಸುತ್ತಿದ್ದ ಜಾಗಕ್ಕೆ ಅಪಾದಿತೆ ಸೆವರಿನ್ ಡಿಸೋಜಾ ಅಕ್ರಮ ಪ್ರವೇಶ ಮಾಡಿ,ಫ್ಲೋರಿನ್ ಸಲ್ದಾನಾ ಅವರನ್ನು ಉದ್ದೇಶಿಸಿ ಅವಾಚ್ಯ ಶಬ್ದಗಳಿಂದ ಬೈಯ್ದು, ಕಲ್ಲಿನಿಂದ ಹೊಡೆಯಲು ಬಂದಾಗ, ಫ್ಲೋರಿನ್ ಸಲ್ದಾನಾ ತನ್ನ ಕೈಗಳಿಂದ ತಡೆದಿದ್ದು, ಇಬ್ಬರಿಬ್ಬರ ಮಧ್ಯೆ ಪರಸ್ಪರ ಕೈಯಿಂದ ಉರುಳಾಟವಾದಾಗ ಸಲ್ದಾನಾ ಎಡಕೈ ಕಿರು ಬೆರಳಿಗೆ ಮತ್ತು ಎಡಕಾಲಿಗೆ ಗಾಯಗೊಂಡ ಕಾರ್ಕಳ ಸರಕಾರಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಈ ಕುರಿತು ಕಾರ್ಕಳ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
