ಕಾರ್ಕಳ: ಕಾರ್ಕಳ ತಾಲೂಕಿನ ಮುಂಡ್ಕೂರು ಗ್ರಾಮದ ಪೊಸ್ರಾಲ್ ಎಂಬಲ್ಲಿ ಹಾದು ಹೋಗುವ ಜಾರಿಗೆಕಟ್ಟೆ-ಸಚ್ಚೇರಿಪೇಟೆ ಸಾರ್ವಜನಿಕ ರಸ್ತೆ ಬದಿ ನಿಲ್ಲಿಸಿದ್ದ ಕಾಂಕ್ರಿಟ್ ಮಿಲ್ಲರ್ ಮಿಕ್ಸರ್ ಮಿಷನನ್ನು ರಾತ್ರಿ ವೇಳೆ ಕಳ್ಳರು ಹೊತ್ತೊಯ್ದಿರುವ ಘಟನೆ ಫೆ.14ರ ರಾತ್ರಿ ನಡೆದಿದೆ.
ಅಶ್ವಿತ್ ಎಂಬವರಿಗೆ ಸೇರಿದ್ದ ರೂ.35,000 ಮೌಲ್ಯದ ಕಾಂಕ್ರಿಟ್ ಮಿಕ್ಸರ್ ಮಿಷನನ್ನು ಸುನಿಲ್ ಕುಮಾರ್ ರೋಣ ಅವರು ಫೆ.14 ರ ಸಂಜೆ ಜಾರಿಗೆಕಟ್ಟೆ-ಸಚ್ಚೇರಿಪೇಟೆ ಸಾರ್ವಜನಿಕ ರಸ್ತೆ ಬದಿ ಚರಂಡಿ ಕೆಲಸದ ಬಗ್ಗೆ ನಿಲ್ಲಿಸಿದ್ದು, ಮರುದಿನ ಬೆಳಿಗ್ಗೆ ಬಂದು ನೋಡಿದಾಗ ಮಿಷನ್ ಕಳುವಾಗಿತ್ತು.
ಈ ಕುರಿತು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
