ಕಾರ್ಕಳ : ತಾಲೂಕಿನ ಎರ್ಲಪಾಡಿ ಗ್ರಾಮದ ಕಾಂತರಗೋಳಿ ಬಸ್‌ಸ್ಟ್ಯಾಂಡ್‌ ಬಳಿ ಆನ್ಲೈನ್ ಗೇಮಿಂಗ್‌ ಬೆಟ್ಟಿಂಗ್ ಆಡುತ್ತಿದ್ದ ವೇಳೆ ಪೊಲೀಸರು ದಾಳಿ ನಡೆಸಿದ್ದಾರೆ.
ನಿಖಿಲ್ ಎಂಬಾತ ತನ್ನ ಮೊಬೈಲ್‌ನಲ್ಲಿ PARKER ಎಂಬ ಮೊಬೈಲ್ ಆಪ್‌ ಸಹಾಯದಿಂದ ತನ್ನ ಮೊಬೈಲ್ ಪೋನ್‌ ಮೂಲಕ ಆನ್ಲೈನ್ ಗೇಮಿಂಗ್‌ ಬೆಟ್ಟಿಂಗ್ ಆಟ ಆಡುತ್ತಿರುವ ಬಗ್ಗೆ ಶಿವಕುಮಾರ್‌ ಎಸ್‌ ಆರ್, ಪೊಲೀಸ್ ಉಪನಿರೀಕ್ಷಕರು(ತನಿಖೆ), ಕಾರ್ಕಳ ನಗರ ಪೊಲೀಸ್ ಠಾಣೆ ಇವರಿಗೆ ದೊರೆತ ಮಾಹಿತಿಯಂತೆ ದಾಳಿ ನಡೆಸಿ ಆನ್ಲೈನ್ ಗೇಮಿಂಗ್‌ ಬೆಟ್ಟಿಂಗ್ ಆಟಕ್ಕೆ ಬಳಸಿದ ಮೋಬೈಲ್‌ ಪೋನ್‌ ನ್ನು ವಶಪಡಿಸಿಕೊಂಡಿದ್ದಾರೆ.
ನಿಖಿಲ್ ಜೊತೆಗೆ ಇನ್ನಿಬ್ಬರು ಆರೋಪಿಗಳಾದ ಚರಣ್‌, ಜಮೀರ್‌ ಎಂಬವರು ಸೇರಿಕೊಂಡು ತಮ್ಮ ಸ್ವಂತ ಲಾಭಕ್ಕೋಸ್ಕರ ಮೊಬೈಲ್ ಫೋನ್‌ ಮೂಲಕ ಜನರಿಂದ ಹಣವನ್ನು ಪಣವಾಗಿ ಪಡೆದು ಆನ್ಲೈನ್ ಗೇಮಿಂಗ್‌ ಬೆಟ್ಟಿಂಗ್ ಆಟ ಆಡುತ್ತಿದ್ದು, ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
