ಕಾರ್ಕಳ, ಏ. 29: ಕಾರು ಹಾಗೂ ಗೇರುಬೀಜ ಕಾರ್ಖಾನೆಯ ಕಾರ್ಮಿಕರು ಪ್ರಯಾಣಿಸುವ ಮಿನಿ ಬಸ್ ಮುಖಾಮುಖಿ ಡಿಕ್ಕಿಯಾಗಿ ಕಾರಿನಲ್ಲಿದ್ದ ಚಾಲಕ ಹಾಗೂ ಮಹಿಳೆ ಸೇರಿ ಇಬ್ಬರು ಗಾಯಗೊಂಡ ಘಟನೆ ಕಾರ್ಕಳ ತಾಲೂಕಿನ ಕಾಡುಹೊಳೆ ಸೇತುವೆಯ ತಿರುವಿನಲ್ಲಿ ಏ.29 ರಂದು ಬೆಳಗ್ಗೆ ಸಂಭವಿಸಿದೆ.
ಹೆಬ್ರಿ ಕಡೆಯಿಂದ ಕಾರ್ಕಳ ಕಡೆಗೆ ಅತೀವೇಗವಾಗಿ ಬರುತ್ತಿದ್ದ ಮಾರುತಿ ವಿಟಾರ ಬ್ರೀಜಾ ಕಾರು ಕಾಡುಹೊಳೆ ಸೇತುವೆಯ ಅಪಾಯಕಾರಿ ತಿರುವು ದಾಟಿ ಮುಂದೆ ಸಾಗಿ ನಿಯಂತ್ರಣ ತಪ್ಪಿ ಗೇರುಬೀಜ ಕಾರ್ಖಾನೆಯ ಕಾರ್ಮಿಕರನ್ನು ಬಿಟ್ಟು ವಾಪಾಸು ಹೋಗುತ್ತಿದ್ದ ಮುನಿಯಾಲು ಕಾಮಾಕ್ಷಿ ಗೇರುಬೀಜ ಕಾರ್ಖಾನೆಯ ಬಸ್ ಗೆ ಡಿಕ್ಕಿಯಾಗಿದೆ.
ಕಾರು ಶೈಲೇಶ್ ಎಂಬುವರಿಗೆ ಸೇರಿದ್ದಾಗಿದ್ದು, ಗಾಯಾಳುಗಳನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅವರ ಮಾಹಿತಿ ತಿಳಿದುಬಂದಿಲ್ಲ.
ಈ ಕುರಿತು ಅಜೆಕಾರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಈ ಭಾಗದ ರಸ್ತೆ ಅಪಾಯಕಾರಿ ತಿರವುಗಳು ಇಳಿಜಾರಿನಿಂದ ಕೂಡಿದ್ದು,ಈ ಮಾರ್ಗದಲ್ಲಿ ಹೊಸದಾಗಿ ವಾಹನ ಚಲಾಯಿಸುವ ಚಾಲಕರ ಪಾಲಿಗೆ ಕಂಟಕವಾಗಿ ಪರಿಣಮಿಸಿದೆ.
.
.
.
.
.
.
.
.
.
.
.
.
.
.
.
.
.
.
.
.
