ಕಾರ್ಕಳ, ಜು.04: ಕೆಸರಿನಲ್ಲಿ ಹೂತು ಹೋದ ಲಾರಿಯನ್ನು ಹೊರತೆಗೆಯುವ ವಿಚಾರದಲ್ಲಿ ಜಗಳ ನಡೆದು ವ್ಯಕ್ತಿಗೆ ಹಲ್ಲೆ ನಡೆಸಿದ್ದು, ಗಾಯಗೊಂಡ ವ್ಯಕ್ತಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ತಾಲೂಕಿನ ಕಲ್ಯಾ ನಿವಾಸಿ ಓಬಯ್ಯ ಪೂಜಾರಿ ಎಂಬವರು ಜು.02 ರಂದು ಕುಂಟಾಡಿಯಲ್ಲಿ ನಿಂತಿದ್ದಾಗ ಕಲ್ಲುಕೋರೆಗೆ ಹೋಗುವ ಲಾರಿಯೊಂದು ಕೆಸರಿನಲ್ಲಿ ಹೂತು ಹೋಗಿದ್ದು ಅದನ್ನು ತೆಗೆಯುವ ವಿಚಾರದಲ್ಲಿ ಸುರೇಂದ್ರ ರೈ ಮತ್ತು ಓಬಯ್ಯ ಅವರಿಗೆ ಮಾತಿಗೆ ಮಾತು ಬೆಳೆದು ಸುರೇಂದ್ರ ಓಬಯ್ಯ ಅವರಿಗೆ ಅವಾಚ್ಯ ಶಬ್ದಗಳಿಂದ ಬೈದು ಹೊಡೆದಿದ್ದಾರೆ.
ನಂತರ ರಾತ್ರಿ ಓಬಯ್ಯ ಕುಂಟಾಡಿಯಲ್ಲಿ ಇದ್ದಾಗ ಸುರೇಂದ್ರ ರೀಪಿನಿಂದ ಹಲ್ಲೆ ನಡೆಸಿದ್ದು, ಗಾಯಗೊಂಡು ಓಬಯ್ಯ ಕಾರ್ಕಳ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಹೆಚ್ಚಿನ ಚಿಕಿತ್ಸೆಗಾಗಿ ಉಡುಪಿ ಜಿಲ್ಲಾಸ್ಪತ್ರೆಗೆ ದಾಖಲಾಗಿದ್ದಾರೆ.
ಈ ಕುರಿತು ಓಬಯ್ಯ ಪೂಜಾರಿ ನೀಡಿ ದೂರಿನಂತೆ ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
