ಕಾರ್ಕಳ,ಜು. 19:ರಾಜ್ಯದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬಂದು 3 ವರ್ಷಗಳು ಕಳೆದರೂ ರಸ್ತೆ ಗುಂಡಿ ಬಿದ್ದ ರಸ್ತೆ ದುರಸ್ತಿಗೆ ಅನುದಾನವನ್ನೇ ಕೊಟ್ಟಿಲ್ಲ. ಕಾಂಗ್ರೆಸ್ ಸರ್ಕಾರದ ವೈಫಲ್ಯವನ್ನು ಪ್ರಾಮಾಣಿಕವಾಗಿ ಒಪ್ಪಿಕೊಳ್ಳುವ ಬದಲು ಇದರ ಹೊಣೆಯನ್ನು ಶಾಸಕರ ಮೇಲೆ ಹೊರಿಸುವ ಕಾರ್ಕಳದ ಉದಯ ಶೆಟ್ಟಿ ಬಣದ ವ್ಯರ್ಥ ಪ್ರಯತ್ನವು ಹಾಸ್ಯಸ್ಪದ ಎಂದು ಕಾರ್ಕಳ ಬಿಜೆಪಿ ಕ್ಷೇತ್ರಾಧ್ಯಕ್ಷ ನವೀನ್ ನಾಯಕ್ ಹೇಳಿದ್ದಾರೆ.
ಅವರು ತಮ್ಮ ಪತ್ರಿಕಾ ಹೇಳಿಕೆಯಲ್ಲಿ ,ಉದಯ ಶೆಟ್ಟಿಯವರು ಕಾರ್ಕಳದ ಗುಂಡಿ ಬಿದ್ದ ರಸ್ತೆಗಳನ್ನು ಜನರಿಗೆ ತೋರಿಸುವ ಮೂಲಕ ರಾಜ್ಯ ಸರ್ಕಾರದ ವೈಫಲ್ಯವನ್ನು ಪರೋಕ್ಷವಾಗಿ ಕಾರ್ಕಳದ ಜನರಿಗೆ ಮನವರಿಕೆ ಮಾಡಿಕೊಟ್ಟಿದ್ದಾರೆ. ಸರ್ಕಾರ ಅನುದಾನ ಬಿಡುಗಡೆ ಮಾಡದ ವಿಚಾರ ಉದಯ ಶೆಟ್ಟಿಯವರಿಗೆ ಗೊತ್ತಿದ್ದರೂ ರಾಜ್ಯ ನಾಯಕರನ್ನು ಮೆಚ್ಚಿಸಲು ಇಂತಹ ನಾಟಕಗಳನ್ನು ಮಾಡುತ್ತಿದ್ದಾರೆ. ಕಳೆದ ವಾರ ಲೋಕೋಪಯೋಗಿ ಸಚಿವರು ಕಾರ್ಕಳಕ್ಕೆ ಬಂದಾಗ ರಸ್ತೆ ದುರಸ್ತಿಗೆ ಅನುದಾನದ ಘೋಷಣೆಯನ್ನೇ ಮಾಡದೇ ಇದೀಗ ಏಕಾಎಕಿ ಶಾಸಕರ ಮೇಲೆ ಆರೋಪ ಮಾಡುತ್ತಿರುವುದು ನಾಚಿಕೆಯ ಸಂಗತಿ ಎಂದು ನವೀನ್ ನಾಯಕ್ ಆಕ್ರೋಶ ವ್ಯಕ್ತಪಡಿಸಿದರು.
ಕಳೆದ ಮೂರು ವರ್ಷಗಳಿಂದ ಉದಯಶೆಟ್ಟಿಯವರ ನೇತೃತ್ವದಲ್ಲಿ ದಿನನಿತ್ಯ ಕೊಡುತ್ತಿರುವ ಅಪ್ರಬುದ್ದ ಹೇಳಿಕೆಗಳು, ಅಭಿವೃದ್ಧಿಯನ್ನು ಅಪಹಾಸ್ಯ ಮಾಡುವುದು,ಯೋಜನೆಗಳಿಗೆ ಅಡ್ಡಗಾಲು ಹಾಕುವುದು, ಸಮಾಜಿಕ ಜಾಲತಾಣಗಳಲ್ಲಿ ಶಾಸಕರ ಮತ್ತು ಬಿಜೆಪಿ ಕಾರ್ಯಕರ್ತರ ತೇಜೋವಧೆ ಮಾಡುವುದು ಅಧಿಕಾರ ದುರುಪಯೋಗಪಡಿಸಿ ಸುಳ್ಳು ಕೇಸುಗಳನ್ನು ದಾಖಲಿಸಿಸುವುದು ಎಲ್ಲವನ್ನೂ ಕಾರ್ಕಳದ ಪ್ರಬುದ್ದ ಜನ ಸೂಕ್ಷ್ಮ ವಾಗಿ ಗಮನಿಸುತ್ತಿದ್ದಾರೆ. ಇವರ ಇಂತಹ ವರ್ತನೆಗಳಿಂದ ಕಾರ್ಕಳದ ಕಾಂಗ್ರೆಸ್ ತನ್ನ ಘನತೆಯನ್ನು ಕಳೆದುಕೊಳ್ಳುತ್ತಿದೆ.
ಆದುದರಿಂದ ಉದಯ ಶೆಟ್ಟಿಯವರು ಇಂತಹ ದಿನನಿತ್ಯದ ನಾಟಕಗಳನ್ನು ಬದಿಗಿಟ್ಟು ಕಾರ್ಕಳದ ಅಭಿವೃದ್ಧಿಗೆ ಸರ್ಕಾರದಿಂದ ಅನುದಾನ ತರುವ ಜೊತೆಗೆ ಕಾರ್ಕಳದಲ್ಲಿ ಜನರ ಸೌಹಾರ್ದತೆಯಿಂದ ಇರುವಂತೆ ಪ್ರಯತ್ನಿಸಲಿ ಎಂದು ನವೀನ್ ನಾಯಕ್ ಸಲಹೆ ನೀಡಿದ್ದಾರೆ.
.
.
.
.
.
.
.
.
.
.
.
.
.
.
.
.
.
.
.
.
