ಹೆಬ್ರಿ,, ಅ.25 : ಸಂಬಂಧಿಕರ ನಡುವಿನ ಜಾಗದ ವಿವಾದದ ಹಿನ್ನಲೆಯಲ್ಲಿ ವ್ಯಕ್ತಿಯೊಬ್ಬರು ಅಕ್ರಮವಾಗಿ ಸಾರ್ವಜನಿಕ ರಸ್ತೆಗೆ ಹಾಕಿದ್ದ ತಂತಿ ಬೇಲಿಯನ್ನು ಪೊಲೀಸರ ಸಹಕಾರದಿಂದ ತೆರವುಗೊಳಿಸಲಾಗಿದೆ.
ಹೆಬ್ರಿ ತಾಲೂಕಿನ ಕುಚ್ಚೂರು ಗ್ರಾಮದ ನಿವಾಸಿ ರಘುರಾಮ್ ಶೆಟ್ಟಿ ಎಂಬವರು ಸಾರ್ವಜನಿಕ ಓಡಾಟದ ರಸ್ತೆಗೆ ಬೇಲಿ ಹಾಕಿದ್ದಾರೆ ಎಂದು ಅವರ ಸಂಬAಧಿಕರೇ ಆರೋಪಿಸಿದ್ದಲ್ಲದೇ ತೆರವುಗೊಳಿಸುವಂತೆ ಸ್ಥಳೀಯ ಆಡಳಿತ ಹಾಗೂ ಪೊಲೀಸರಿಗೆ ದೂರು ನೀಡಿದ್ದರು. ರಘುರಾಮ ಶೆಟ್ಟಿಯವರು ಹಲವು ವರ್ಷಗಳಿಂದ ಇದ್ದ ರಸ್ತೆಯನ್ನು ವೈಯಕ್ತಿಕ ದ್ವೇಷದಿಂದ ತಡರಾತ್ರಿ ಏಕಾಏಕಿ ರಸ್ತೆಯನ್ನು ತಂತಿ ಬೇಲಿ ಹಾಕಿ ಸಂಚಾರ ಬಂದು ಮಾಡಿದ್ದ ಹಿನ್ನಲೆಯಲ್ಲಿ ಇದೇ ರಸ್ತೆಯಲ್ಲಿ ಓಡಾಡು ಅಕ್ಕಪಕ್ಕದವರಿಗೆ ಸಂಚಾರಕ್ಕೆ ತೊಡಕು ಉಂಟಾಗಿತ್ತು.ಇದಲ್ಲದೇ ಅನಾರೋಗ್ಯದಿಂದ ಪೀಡಿತರಾಗಿದ್ದ ವಯೋವೃದ್ಧೆಗೆ ಆಸ್ಪತ್ರೆಗೆ ಕರೆದೊಯ್ಯಲು ದಾರಿ ಇಲ್ಲದೆ ತೊಂದರೆ ಉಂಟಾಗಿತ್ತು.
ಈ ವಿಚಾರ ತಿಳಿದ ಸ್ಥಳೀಯ ಮುಖಂಡರಾದ ಕಿರಣ ತೋಳಾರ್, ಅಶ್ವಿನಿ ತೋಳಾರ್, ನವೀನ್ ಕೆ ಅಡ್ಯಂತಾಯ, ರಘುರಾಮ್ ಕುಲಾಲ್, ದೇವಳಬೈಲು ಸುಧಾಕರ್ ಶೆಟ್ಟಿ, ಮಹೇಶ್ ಶೆಟ್ಟಿ ಬಾದ್ಲು, ಮಹೇಶ್ ಶೆಟ್ಟಿ ಜೆಡ್ಡು, ರೋಶನ್ ಕುಮಾರ್ ಶೆಟ್ಟಿ, ಸನತ್ ಶೆಟ್ಟಿ, ದಿನೇಶ್ ಶೆಟ್ಟಿ ಚಾರ ಹಾಗೂ ಮತ್ತಿತರರು ಬೇಲಿ ತೆರವುಗೊಳಿಸುವಂತೆ ಹೆಬ್ರಿ ಪೊಲೀಸರಿಗೆ ಮನವಿ ಮಾಡಿದ್ದ ಹಿನ್ನಲೆಯಲ್ಲಿ ಪೊಲೀಸರು ಶಾಂತಿ ಭಂಗವಾಗದAತೆ ಕ್ರಮವಹಿಸಿ ಬೇಲಿಯನ್ನು ತೆರವುಗೊಳಿಸಿದರು.
.
.
.
.
.
.
.
.
.
.
.
.
.
.
.
.
.
.
.
.
