ನವದೆಹಲಿ,ನ.15 : ನೌಕರರ ಭವಿಷ್ಯ ನಿಧಿ ವಂತಿಕೆ ಮತ್ತು ಇಸಿಆರ್ ಫೈಲಿಂಗ್ ಕುರಿತಂತೆ ಉದ್ಯೋಗದಾತರಿಗೆ ನೌಕರರ ಭವಿಷ್ಯ ನಿಧಿ ಸಂಸ್ಥೆ ಪ್ರಮುಖ ಸೂಚನೆಯನ್ನು ನೀಡಿದೆ. ಅಕ್ಟೋಬರ್ 2026ರ ತಿಂಗಳ ಪಿಎಫ್ ಕಾಂಟ್ರಿಬ್ಯೂಷನ್ ಹಾಗೂ ಇಸಿಆರ್ ಸಲ್ಲಿಕೆಯನ್ನು ನವೆಂಬರ್ 15ರೊಳಗೆ ಕಡ್ಡಾಯವಾಗಿ ಪೂರ್ಣಗೊಳಿಸುವಂತೆ ತಿಳಿಸಿದೆ. ಈ ಕುರಿತು ನವೆಂಬರ್ 12ರಂದು ಅಧಿಕೃತ ಪ್ರಕಟಣೆ ಹೊರಡಿಸಿರುವ ಇಪಿಎಫ್‌ಒ, ನಿಗದಿತ ಗಡುವಿನೊಳಗೆ ಪ್ರಕ್ರಿಯೆ ಮುಗಿಸಿದರೆ ಮಾತ್ರ ನೌಕರರ ಖಾತೆಗಳಿಗೆ ಸಕಾಲದಲ್ಲಿ ಹಣ ಜಮೆಯಾಗಲಿದೆ ಎಂದು ಸ್ಪಷ್ಟಪಡಿಸಿದೆ.
ಪ್ರತಿ ತಿಂಗಳು ಉದ್ಯೋಗದಾತರು ತಮ್ಮ ನೌಕರರ ವೇತನ ಮತ್ತು ಪಿಎಫ್ ವಂತಿಕೆಯ ವಿವರಗಳನ್ನು ಆನ್‌ಲೈನ್‌ನಲ್ಲಿ ಸಲ್ಲಿಸುವುದನ್ನು ಎಲೆಕ್ಟ್ರಾನಿಕ್ ಚಲನ್-ಕಮ್-ರಿಟರ್ನ್ ಎಂದು ಕರೆಯಲಾಗುತ್ತದೆ. ಇದರಲ್ಲಿ ನೌಕರರ ವೈಯಕ್ತಿಕ ವಿವರ, ಅವರ ವೇತನ ಹಾಗೂ ಪಿಎಫ್ ಅಡಿಯಲ್ಲಿ ಪಾವತಿಸಬೇಕಾದ ಮೊತ್ತದ ಸಂಪೂರ್ಣ ಮಾಹಿತಿ ಇರುತ್ತದೆ. ಇಸಿಆರ್ ಸಲ್ಲಿಸಿದ ಬಳಿಕ ಸಂಬAಧಪಟ್ಟ ಪಿಎಫ್ ಮೊತ್ತವನ್ನು ಕೂಡ ಕಾಲಮಿತಿಯೊಳಗೆ ಪಾವತಿಸುವುದು ಕಡ್ಡಾಯವಾಗಿರುತ್ತದೆ.
ಒಂದು ವೇಳೆ ಗಡುವು ಮೀರಿದರೆ, ನಿಯಮಾನುಸಾರ ಉದ್ಯೋಗದಾತರು ಹೆಚ್ಚುವರಿ ಬಡ್ಡಿ ಮತ್ತು ದಂಡವನ್ನು ಪಾವತಿಸಬೇಕಾಗುತ್ತದೆ. ಕೊನೆಯ ಗಳಿಗೆಯಲ್ಲಿ ಇಪಿಎಫ್‌ಒ ವೆಬ್‌ಸೈಟ್‌ನಲ್ಲಿ ತಾಂತ್ರಿಕ ದೋಷಗಳು ಅಥವಾ ಸರ್ವರ್ ಸಮಸ್ಯೆಗಳು ಎದುರಾಗುವ ಸಾಧ್ಯತೆ ಇರುವುದರಿಂದ, ಕೊನೆಯ ದಿನದವರೆಗೆ ಕಾಯದೆ ಮುಂಚಿತವಾಗಿಯೇ ಫೈಲಿಂಗ್ ಮತ್ತು ಪಾವತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವಂತೆ ಸೂಚಿಸಲಾಗಿದೆ. ಫೈಲ್ ಮಾಡುವ ಮುನ್ನ ನೌಕರರ ಹೆಸರು, ವೇತನ ಮಾಹಿತಿ ಹಾಗೂ ಪಿಎಫ್ ಲೆಕ್ಕಾಚಾರಗಳನ್ನು ಒಮ್ಮೆ ಪರಿಶೀಲಿಸಿ, ಯಾವುದೇ ತಪ್ಪುಗಳಿದ್ದರೂ ಮೊದಲೇ ಸರಿಪಡಿಸಿಕೊಳ್ಳುವುದು ಸೂಕ್ತವಾಗಿದೆ.
.
.
.
.
.
.
.
.
.
.
.
.
.
.
.
.
.
.
.
.
