ಕಾರ್ಕಳ:ಹೊಟೇಲ್ ಉದ್ಯಮವು ಅತ್ಯಂತ ಸವಾಲಿನ ಕ್ಷೇತ್ರವಾಗಿದೆ, ಪ್ರವಾಸೋದ್ಯಮಕ್ಕೆ ಪೂರಕವಾಗಿ ಹೊಟೇಲ್ ಉದ್ಯಮ ಅತ್ಯಂತ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ನಿಟ್ಟೆ ವಿವಿ ಕುಲಪತಿ ಡಾ.ವಿನಯ ಹೆಗ್ಡೆ ಹೇಳಿದರು.
ಅವರು ಕಾರ್ಕಳ ಬಂಡೀಮಠದಲ್ಲಿ ನೂತನ ಹೊಟೇಲ್ ಬಾಲಾಜಿ ಇನ್ ಇದನ್ನು ಉದ್ಘಾಟಿಸಿ ಮಾತನಾಡಿದರು.
ಮುಖ್ಯ ಅತಿಥಿಗಳಾಗಿ ಇಂಧನ ಸಚಿವ ಸುನಿಲ್ ಕುಮಾರ್ ಮಾತನಾಡಿ,ಕಾರ್ಕಳ ದೊಡ್ಡ ಪ್ರಮಾಣದಲ್ಲಿ ಬೆಳೆಯುತ್ತಿರುವ ಸಣ್ಣಪಟ್ಟಣ, ಊರಿನ ಅಭಿವೃದ್ಧಿಗೆ ಖಾಸಗಿ ವ್ಯಕ್ತಿಗಳ ಸಹಭಾಗಿತ್ವ ಕೂಡ ಅತ್ಯವಶ್ಯ‌ಕ.ಕಾರ್ಕಳವು ಪ್ರವಾಸೋದ್ಯಮ ಕೇಂದ್ರವಾಗಿ ಅತ್ಯಂತ ವೇಗವಾಗಿ ಬೆಳೆಯುತ್ತಿದ್ದು ಇದರ ಜತೆಗೆ ದೂರದ ಊರಿನಿಂದ ಬರುವ ಪ್ರವಾಸಿಗರಿಗೆ ಉಳಿದುಕೊಳ್ಳಲು ಸೂಕ್ತ ವಸತಿ ಸೌಕರ್ಯಗಳನ್ನು ಒದಗಿಸಲು ಹೊಟೇಲ್ ಮತ್ತು ಲಾಡ್ಜಿಂಗ್ ವ್ಯವಸ್ಥೆ ಕೂಡ ಅಷ್ಟೇ ಪ್ರಮುಖವಾಗಿದೆ ಎಂದು ನೂತನ ಹೊಟೇಲ್ ಬಾಲಾಜಿ ಇನ್ ಸಂಸ್ಥೆಗೆ ಶುಭ ಹಾರೈಸಿದರು.
ಈ ಸಂದರ್ಭದಲ್ಲಿ ಮುಖ್ಯ ಅತಿಥಿಗಳಾಗಿ ಅಶೋಕ್ ಅಡ್ಯಂತಾಯ, ಯೊಗೀಶ್ ಹೆಗ್ಡೆ,ಅಂತರಾಷ್ಟ್ರೀಯ ಕ್ರೀಡಾಪಟು ರೋಹಿತ್ ಕುಮಾರ್ ಕಟೀಲು,ನ್ಯಾಯವಾದಿ ಶೇಖರ ಮಡಿವಾಳ,ಪುರಸಭೆ ಮುಖ್ಯಾಧಿಕಾರಿ ರೂಪಾ ಶೆಟ್ಟಿ,ಅರ್ಚಕರಾದ ಶ್ರೀಪ್ರಸಾದ್, ನಿಟ್ಟೆ ಪಂಚಾಯತ್ ಅಧ್ಯಕ್ಷ ಸತೀಶ್ ಶೆಟ್ಟಿ,ಕೆಎಸ್ಎಫ್ ಸಿ ಮ್ಯಾನೇಜರ್ ಪ್ರಸಾದ್ ರಾಜ್, ಸಂಸ್ಥೆಯ ಮಾಲಕರಾದ ಸತೀಶ್ ಹೆಗ್ಡೆ ರೇಖಾ ಹೆಗ್ಡೆ ದಿಲೀಪ್ ಹೆಗ್ಡೆ ದೀಪಕ್ ಹೆಗ್ಡೆ ದೀಕ್ಷಾ ಹೆಗ್ಡೆ ಉಪಸ್ಥಿತರಿದ್ದರು.
