ಪುತ್ತೂರು, ಜು.,11:ಕಾನೂನು ಉಲ್ಲಂಘಿಸಿ ಸಮಾಜದಲ್ಲಿ ಅಶಾಂತಿ ಸೃಷ್ಟಿಸಲು ಮುಂದಾಗುವ ರೌಡಿ ಶೀಟರ್ ಗಳನ್ನು ಮುಲಾಜಿಲ್ಲದೇ ಎನ್’ಕೌಂಟರ್ ಮಾಡಿ ಎಂದು ಆರೋಗ್ಯ ಸಚಿವ ಯು.ಟಿ ಖಾದರ್ ಅವರು ಎಸ್ಪಿ ಸುಧೀರ್ ಕುಮಾರ್ ಅವರಿಗೆ ಸೂಚಿಸಿದ್ದ ಕುರಿತು ಈ ಹೇಳಿಕೆ ವಿರುದ್ಧ ದಕ್ಷಿಣ ಕನ್ನಡ SDPI ಜಿಲ್ಲಾಧ್ಯಕ್ಷ ಅನ್ವರ್ ಸಾದತ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಅವರು ಪುತ್ತೂರು ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿ, ರೌಡಿ ಶೀಟರ್ ಗಳನ್ನು ಎನ್’ಕೌಂಟರ್ ಮಾಡಿ ಎನ್ನುವ ಖಾದರ್ ಹೇಳಿಕೆ ಸಂವಿಧಾನ ವಿರೋಧಿಯಾಗಿದೆ. ಅವರು ಪ್ರಾಕೃತಿಕ ವಿಕೋಪದ ಕುರಿತು ಅಧಿಕಾರಿಗಳ ಸಭೆ ನಡೆಸಿ ಪರಿಹಾರ ಕಂಡುಕೊಳ್ಳುವ ಬದಲು ತಾನು ಹೀರೋ ಆಗಲು ಇಂತಹ ಹೇಳಿಕೆ ನೀಡಿದ್ದಾರೆ.ಒಬ್ಬ ಜವಾಬ್ದಾರಿಯುತ ಸಚಿವ ಅಧಿಕಾರಿಗಳ ಮುಂದೆ ಇಂತಹ ಬೇಜವಾಬ್ದಾರಿ ಹೇಳಿಕೆ ನೀಡಿರುವುದು ಖಂಡನೀಯ.ಕಾನೂನು ಪದವಿ ಪಡೆದ ಖಾದರ್ ಮೊದಲು ಕಾನೂನು ಸರಿಯಾಗಿ ಅರಿತು ಹೇಳಿಕೆ ನೀಡಲಿ ಎಂದು ಅನ್ವರ್ ಹೇಳಿದರು.
ದಕ್ಷಿಣ ಕನ್ನಡ ಜಿಲ್ಲೆಗೆ ಅದರದ್ದೇ ಆದ ಘನತೆ ಗೌರವವಿದೆ. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಶಾಂತಿ ಇದೆ. ಇಲ್ಲಿನ ಮಂಗಳೂರು, ಉಡುಪಿ ಕಮೀಷನರ್ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಯ ಎಸ್ಪಿ ಸೇರಿ ಮೂವರು ಕಮ್ಯುನಿಕೇಷನ್ ಮಾಡಿಕೊಂಡು ಕ್ರಿಮಿನಲ್ ನಿಯಂತ್ರಣ ಮಾಡುವುದು ಅವರಿಗೆ ಚೆನ್ನಾಗಿ ಗೊತ್ತಿದೆ. ಅವರು ಬಂದೂಕು ಉಪಯೋಗಿಸಿಲ್ಲ. ಕಾನೂನು ಉಪಯೋಗಿಸಿ ಜಿಲ್ಲೆಯನ್ನು ನೆಮ್ಮದಿಯಲ್ಲಿಟ್ಟುಕೊಂಡಿದ್ದಾರೆ. ಆದರೆ ಸಚಿವರಾಗಿರುವ ಯೂ.ಟಿ ಖಾದರ್ ಅವರ ಚೇಲಾಗಳಿಗೆ ದಂಧೆ ಮಾಡಲು ಸಮಸ್ಯೆ ಆಗಿದೆ. ಈ ಅಧಿಕಾರಿಗಳಿದ್ದರೆ ನಮಗೆ ಸಮಸ್ಯೆ ಆಗುತ್ತದೆ. ಏನಾದರೂ ಮಾಡಿ ಕಾಂಟ್ರವರ್ಸಿ ಆಗಬೇಕೆನ್ನುವ ರೀತಿಯ ಕೆಲಸ ಮಾಡುತ್ತಿದ್ದಾರೆ. ಆಗ ಇವರನ್ನು ಕಳುಹಿಸಿ ತಮ್ಮ ಬೇಳೆ ಬೇಯಿಸಲು ಸುಲಭ ಆಗುತ್ತದೆ ಎಂದು ಎನಿಸಿಕೊಂಡಿದ್ದಾರೆ. ಹಿಂದೊಮ್ಮೆ ಪುತ್ತೂರು ಶಾಸಕರಾದ ಅಶೋಕ್ ರೈ ಕಾಲಿಗೆ ಶೂಟ್ ಮಾಡುವ ಬದಲು ತಲೆಗೆ ಶೂಟ್ ಮಾಡಲು ಹೇಳಿದ್ದರು. ಅದನ್ನು ಒಪ್ಪಲು ಸಾಧ್ಯವಿಲ್ಲ. ಅದೇ ಅರ್ಥದಲ್ಲಿ ಖಾದರ್ ಅವರು ಅವಿವೇಕತನದಲ್ಲಿ ತನ್ನ ನಡೆಯನ್ನು ಪ್ರದರ್ಶಿಸಿದ್ದಾರೆ. ಇದು ಸಂವಿಧಾನ ವಿರೋಧಿ ಕೆಲಸ. ಹಾಗಾಗಿ ಮುಖ್ಯಂತ್ರಿಗಳು ತಲ್ಷೊ ಸಚಿವ ಖಾದರ್ ರಾಜೀನಾಮೆ ಪಡೆಯಬೇಕು ಹಾಗೂ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಪೊಲೀಸರಿಗೆ ಯಾವುದೇ ಅಡೆತಡೆ ಇಲ್ಲದೇ ಮುಕ್ತವಾಗಿ ಕೆಲಸ ಮಾಡಲು ಅವಕಾಶ ಮಾಡಿಕೊಡಬೇಕೆಂದು ಆಗ್ರಹಿಸಿದರು.
ಈ ಸಂದರ್ಭದಲ್ಲಿ SDPI ಮುಖಂಡ ರಹೀಮ್ ಉಪಸ್ಥಿತರಿದ್ದರು.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
