ಕಾರ್ಕಳ,ಅ.25: ಅಪರಿಚಿತ ವ್ಯಕ್ತಿಯೋರ್ವ ಫೇಸ್‌ಬುಕ್‌ನಲ್ಲಿ ತನ್ನ ಕಾರು ಮಾರಾಟಕ್ಕಿದೆ ಎಂದು ಜಾಹೀರಾತು ಹಾಕಿದ್ದು, ಇದನ್ನೇ ನಂಬಿದ ಕಾರ್ಕಳದ ಬೆಳ್ಮಣ್ ಗ್ರಾಮದ ಬಾಲಕೃಷ್ಣ ರಾವ್ ಎಂಬವರು ಕಡಿಮೆ ಬೆಲೆಗೆ ಕಾರು ಸಿಗುತ್ತಿದೆ ಎಂಬ ಖುಷಿಯಿಂದ ಹಿಂದೆಮುಂದೆ ನೋಡದೇ ಅಪರಿಚಿತ ವ್ಯಕ್ತಿಯ ಖಾತೆಗೆ 4.35 ಲಕ್ಷ ಹಣ ಹಾಕಿ ಮೋಸ ಹೋಗಿದ್ದಾರೆ.ಬಾಲಕೃಷ್ಣ ರಾವ್ ಎಂಬುವವರು ಫೇಸ್‌ಬುಕ್‌ನಲ್ಲಿ ಕಾರು ಮಾರಾಟದ ಜಾಹೀರಾತನ್ನು ನಂಬಿ ಹಣ ಕಳೆದುಕೊಂಡಿದ್ದು, ಇದೀಗ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಕಳೆದ 2026ರ ಆ. 20 ರಂದು ಬಾಲಕೃಷ್ಣ ರಾವ್ ಫೇಸ್‌ಬುಕ್‌ನಲ್ಲಿ KA-05 NK-2712 ನಂಬರಿನ ಟಾಟಾ ಪಂಚ್ ಎಲೆಕ್ಟ್ರಿಕ್ ಕಾರಿನ ಜಾಹೀರಾತು ನೋಡಿ ತಮ್ಮ ಮೊಬೈಲ್ ಸಂಖ್ಯೆಯನ್ನು ಕಳುಹಿಸಿದ್ದರು. ತಕ್ಷಣವೇ ಅಪರಿಚಿತ ವ್ಯಕ್ತಿ 8050085834 ಸಂಖ್ಯೆಯಿಂದ ಕರೆ ಮಾಡಿ ತಾನು ರವಿಚಂದ್ರ ಚಿಕ್ಕಮಗಳೂರಿನ ವೈದ್ಯ ಎಂದು ಪರಿಚಯಿಸಿಕೊಂಡು, 4,50,000 ರೂಪಾಯಿಗೆ ಕಾರು ಮಾರಾಟ ಮಾಡುವುದಾಗಿ ತಿಳಿಸಿದ್ದಾನೆ.ಅತೀ ಕಡಿಮೆ ಬೆಲೆಗೆ ಎಲೆಕ್ಟ್ರಿಕ್ ಕಾರು ಸಿಗುತ್ತಿದೆ ಎಂದು ಅಪರಿಚಿತ ವ್ಯಕ್ತಿಯ ಮಾತು ನಂಬಿದ ಬಾಲಕೃಷ್ಣ ರಾವ್, ಆ. 20 ರಂದು 45 ಸಾವಿರ, ಆ. 21 ರಂದು 3 ಲಕ್ಷ ವನ್ನು RTGS ಮೂಲಕ ಹಾಗೂ ಆ.22 ರಂದು ಮತ್ತೆ 45 ಸಾವಿರ ಹಣವನ್ನು ಆರೋಪಿತನು ನೀಡಿದ ಖಾತೆಗಳಿಗೆ ಪಾವತಿಸಿದ್ದಾರೆ.
ಹಣ ಪಾವತಿಸಿದ ಬಳಿಕ ಬಾಲಕೃಷ್ಣ ರಾವ್ ಅವರು ಕಾರು ಪಡೆಯಲು ಅಪರಿಚಿತ ವ್ಯಕ್ತಿ ನೀಡಿದ ಚಿಕ್ಕಮಗಳೂರಿನ ಮತ್ತಿಕೆರೆ ವಿಳಾಸಕ್ಕೆ ತೆರಳಿದ್ದಾರೆ. ಆದರೆ ಅಲ್ಲಿ ಅಂತಹ ಯಾವುದೇ ವ್ಯಕ್ತಿ ಇರಲಿಲ್ಲ. ನಂತರ ಆರೋಪಿಗೆ ಕರೆ ಮಾಡಿದಾಗ, ಕಾರು ಕೆಟ್ಟು ನಿಂತಿದೆ ಎಂದು ಸಬೂಬು ಹೇಳಿ, ಕಾರು ಕೊಡದೇ ಹಾಗೂ ಪಡೆದ ಹಣವನ್ನೂ ವಾಪಸ್ ನೀಡದೆ ವಂಚನೆ ಮಾಡಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ ಈ ಕುರಿತು ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ವಂಚನೆ ಪ್ರಕರಣ ದಾಖಲಾಗಿದೆ.
.
.
.
.
.
.
.
.
.
.
.
.
.
.
.
.
.
.
.
.
