ಕಾರ್ಕಳ,ನ.11: ರಾಜ್ಯ ಸರ್ಕಾರವು ನಡೆಸಿದ ಇಂಧನ ಪರೀಕ್ಷೆಯಲ್ಲಿ ಪೆಟ್ರೋಲ್‌ನಲ್ಲಿ ಮಿತಿಗಿಂತಲೂ ಹೆಚ್ಚು ಪ್ರಮಾಣದಲ್ಲಿ ಎಥೆನಾಲ್ ಪತ್ತೆಯಾಗಿದೆ ಎಂದು ಆಹಾರ ಮತ್ತು ನಾಗರಿಕ ವ್ಯವಹಾರಗಳ ಸಚಿವರಾದ ರಿಜ್ವಾನ್ ಅರ್ಷದ್ ಬಹಿರಂಗ ಪಡಿಸಿದ್ದಾರೆ. ಇದು ಕೇಂದ್ರ ಸರ್ಕಾರವು ಜನರಿಗೆ ಮಾಡುತ್ತಿರುವ ದ್ರೋಹವಾಗಿದೆ ಎಂದು ಕಾರ್ಕಳ ಬ್ಲಾಕ್ ಕಾಂಗ್ರೆಸ್ ವಕ್ತಾರ ಪ್ರದೀಪ್ ಬೇಲಾಡಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ರಾಜ್ಯ ಸರ್ಕಾರ 7 ಜಿಲ್ಲೆಗಳಿಂದ 63 ಸ್ಯಾಂಪಲ್ ಗಳನ್ನು ಪರೀಕ್ಷೆಗೆಂದು ಕೇಂದ್ರಕ್ಕೆ ಸಂಬAದಿಸಿದ ಸಂಸ್ಥೆಗಳಿಗೆ ಕಳುಹಿಸಿದಾಗ ಕೇಂದ್ರ ಸರ್ಕಾರವು ಪರೀಕ್ಷೆಗೆ ಸ್ಪಂದಿಸದೆ ಅಸಹಕಾರ ತೋರಿಸಿದೆ ಎಂದು ಸಚಿವರು ತಿಳಿಸಿದ್ದಾರೆ. ಇದು ಕೇಂದ್ರ ಸರ್ಕಾರಕ್ಕೆ ಜನರ ಬಗ್ಗೆ ಇರುವ ಅಸಡ್ಡೆಯನ್ನು ಸೂಚಿಸುತ್ತದೆ ಮತ್ತು ಕೇಂದ್ರ ಸರ್ಕಾರ ಎಥೆನಾಲ್ ಮೂಲಕ ಜನರಿಗೆ ಎಸಗುತ್ತಿರುವ ಮೋಸದಾಟ ಬಯಲಾಗುವ ಭಯದಿಂದ ಪರೀಕ್ಷೆ ನಡೆಸಲು ಒಪ್ಪಿಗೆ ಸೂಚಿಸದಿರುವುದನ್ನು ಸೂಚಿಸುತ್ತದೆ. ಕೇಂದ್ರ ಸರ್ಕಾರವು ಪೆಟ್ರೋಲ್, ನಲ್ಲಿ 20 ಶೇಕಡ ಎಥೆನಾಲ್ ಇದೆ ಎಂದು ಹೇಳಿತ್ತು, ಸತ್ಯಾಸತ್ಯತೆಗಾಗಿ ರಾಜ್ಯ ಸರ್ಕಾರವು ಕೇಂದ್ರ ಸರ್ಕಾರದಿಂದ ಪ್ರಮಾಣೀಕೃತವಾದ NABL ಸಂಸ್ಥೆಯ ಮೂಲಕ ನಡೆಸಿದ ಪರೀಕ್ಷೆಯಲ್ಲಿ 30 ಶೇಕಡಕ್ಕಿಂತಲೂ ಅಧಿಕ ಪ್ರಮಾಣದಲ್ಲಿ ಎಥೆನಾಲ್ ಪತ್ತೆಯಾಗಿರುತ್ತದೆ ಮತ್ತು ಇದು ವಾಹನ ಬಳಕೆದಾರರ ದೃಷ್ಟಿಯಿಂದ ಆತಂಕಕಾರಿ. ಈಗ ರಾಜ್ಯ ಸರ್ಕಾರ ನಡೆಸಿದ ಪರೀಕ್ಷೆಯ ಬಗ್ಗೆ ಕೇಂದ್ರ ಸರ್ಕಾರ ತಕರಾರು ಎತ್ತಿರುವುದು ಮತ್ತು ತೈಲ ಕಂಪನಿಗಳ ಮೂಲಕ ಸಮರ್ಥನೆಗೆ ಇಳಿದಿರುವುದು ಇದು ಕಂಪನಿಗಳ ಮೇಲೆ ಒತ್ತಡ ಬಳಸಿರುವುದಕ್ಕೆ ಸಾಕ್ಷಿಯಾಗಿದೆ ಎಂದು ಅವರು ಹೇಳಿದ್ದಾರೆ.
ಭಾರತದ ಪ್ರಮುಖ ಪ್ರಮುಖ ವಾಹನ ತಯಾರಿಕಾ ಕಂಪನಿಗಳನ್ನು ಪ್ರತಿನಿಧಿಸುವ ಸಂಘಟನೆಯಾದ SIAM (Society of indian automobile manufacturers) ಸಂಸ್ಥೆಯು 2026 ಜುಲೈ 28ರಂದು ಕೇಂದ್ರ ಪೆಟ್ರೋಲಿಯಂ ಸಚಿವಾಲಯಕ್ಕೆ ಪತ್ರ ಬರೆದು ಇ20 ಪೆಟ್ರೋಲಿನಲ್ಲಿ ಕ್ಲೋರೈಡ್ ಮತ್ತು ಸಲ್ಪರ್ ಅಂಶ ಹೆಚ್ಚಾಗಿದ್ದು ಇದು ವಾಹನದ ಇಂಧನದ ಕಾರ್ಯಕ್ಷಮತೆಯನ್ನು ಕಡಿಮೆಗೊಳಿಸುತ್ತದೆ ಹಾಗೂ ಇದರಿಂದ ವಾಹನಗಳ ಕಾರ್ಯನಿರ್ವಹಣೆಗೆ ತೊಂದರೆಯಾಗುತ್ತದೆ ಎಂದು ಆತಂಕ ವ್ಯಕ್ತಪಡಿಸಿದ್ದನ್ನು ಈ ಸಂದರ್ಭದಲ್ಲಿ ಸ್ಮರಿಸಿಕೊಳ್ಳಬಹುದು. ಒಟ್ಟಿನಲ್ಲಿ ಕೇಂದ್ರ ಸರ್ಕಾರದ ಎಥೆನಾಲ್ ಪೆಟ್ರೋಲಿನ ಮೋಸದಾಟದಿಂದಾಗಿ ಜನರ ವಾಹನಗಳು ಗುಜರಿಗೆ ಸೇರುವ ಅಪಾಯವಿದ್ದು ಕೇಂದ್ರ ಸರ್ಕಾರ ಇನ್ನಾದರೂ ತನ್ನ ಜನ ವಿರೋದಿ ನೀತಿಯನ್ನು ಕೈಬಿಟ್ಟು ಜನರ ದುಡಿಮೆಯ ದುಡ್ಡಿಗೆ ನ್ಯಾಯೋಚಿತವಾದ ಉತ್ಪನ್ನವನ್ನು ನೀಡುವಂತಾಗಬೇಕು ಎಂದು ಕಾರ್ಕಳ ಬ್ಲಾಕ್ ಕಾಂಗ್ರೆಸ್ ವಕ್ತಾರ ಪ್ರದೀಪ್ ಬೇಲಾಡಿ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
.
.
.
.
.
.
.
.
.
.
.
.
.
.
.
.
.
.
.
.
