ಮಂಗಳೂರು,ನ.12: ಪ್ರಧಾನಿ ನರೇಂದ್ರ ಮೋದಿ ಅವರು ನಾಳೆ (ನವೆಂಬರ್ 13) ಕರ್ನಾಟಕಕ್ಕೆ ಭೇಟಿ ನೀಡಲಿದ್ದು, ಒಟ್ಟು 15,600 ಕೋಟಿ ಮೌಲ್ಯದ ವಿವಿಧ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಲಿದ್ದಾರೆ. ಈ ಭೇಟಿಯ ಪ್ರಮುಖ ಭಾಗವಾಗಿ ಮಂಗಳೂರಿನ ಬಾಲಾದಲ್ಲಿ ನಿರ್ಮಿಸಲಾಗಿರುವ ಭಾರತದ ಅತಿದೊಡ್ಡ ಭೂಗತ ಎಲ್‌ಪಿಜಿ ಸಂಗ್ರಹಣಾಗಾರ ಗುಹೆಯನ್ನು ಲೋಕಾರ್ಪಣೆಗೊಳಿಸಲಿದ್ದಾರೆ.
ಸುಮಾರು 850 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿರುವ ಈ ಸಂಗ್ರಹಣಾಗಾರವು 80,000 ಮೆಟ್ರಿಕ್ ಟನ್ (ಸುಮಾರು 6 ಲಕ್ಷ ಬ್ಯಾರೆಲ್ ಅಥವಾ 60 ಮಿಲಿಯನ್ ಲೀಟರ್) ಎಲ್‌ಪಿಜಿ ಸಂಗ್ರಹಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ ಗಾಗಿ ಮೇಘಾ ಎಂಜಿನಿಯರಿAಗ್ ಮತ್ತು ಮೂಲಸೌಕರ್ಯ ಲಿಮಿಟೆಡ್ ಇದನ್ನು ಅಭಿವೃದ್ಧಿಪಡಿಸಿದೆ. ಸಮುದ್ರ ಮಟ್ಟಕ್ಕಿಂತ 156 ಮೀಟರ್ ಆಳದಲ್ಲಿರುವ ಗಟ್ಟಿ ಬಂಡೆಯೊಳಗೆ ಎರಡು ಬೃಹತ್ ಭೂಗತ ಕೋಣೆಗಳನ್ನು ನಿರ್ಮಿಸಲಾಗಿದೆ.
ಅನಿಲ ಸೋರಿಕೆಯನ್ನು ತಡೆಯಲು ಸುಧಾರಿತ ವಾಟರ್ ಕರ್ಟನ್ ವ್ಯವಸ್ಥೆ ಹಾಗೂ 1,100 ಮೀಟರ್ ಉದ್ದದ ಪ್ರವೇಶ ಸುರಂಗವನ್ನು ಇದು ಒಳಗೊಂಡಿದೆ. ನವ ಮಂಗಳೂರು ಬಂದರಿನಿAದ ಮುಖ್ಯ ಟರ್ಮಿನಲ್‌ಗೆ ಎಲ್‌ಪಿಜಿ ಸಾಗಿಸಲು 9.4 ಕಿ.ಮೀ ಉದ್ದದ ಪೈಪ್‌ಲೈನ್ ಸಂಪರ್ಕವಿದೆ. ವಿಶಾಖಪಟ್ಟಣದ ನಂತರ ಇದು ದೇಶದ ಎರಡನೇ ಭೂಗತ ಎಲ್‌ಪಿಜಿ ಸಂಗ್ರಹಣಾ ಗುಹೆಯಾಗಿದ್ದು, ಸಾಮರ್ಥ್ಯದಲ್ಲಿ ದೇಶದಲ್ಲೇ ಅತಿದೊಡ್ಡದಾಗಿದೆ. ತುರ್ತು ಸಂದರ್ಭಗಳಲ್ಲಿ ಮತ್ತು ಜಾಗತಿಕ ಪೂರೈಕೆಯಲ್ಲಿ ವ್ಯತ್ಯಯವಾದಾಗ ದೇಶದ ಇಂಧನ ಸುರಕ್ಷತೆಯನ್ನು ಕಾಯ್ದುಕೊಳ್ಳಲು ಇದು ನೆರವಾಗಲಿದೆ.
.
.
.
.
.
.
.
.
.
.
.
.
.
.
.
.
.
.
.
.
