ಕಾರ್ಕಳ,ಜು.19: ಕಾರ್ಕಳ ತಾಲೂಕಿನ ಬೋಳ ಗ್ರಾಮದಲ್ಲಿ ಸರ್ವೆಯರ್ ಗಡಿಗುರುತು ಹಾಕಿ ಹೋದ ಜಾಗಕ್ಕೆ ಅಕ್ರಮ ಪ್ರವೇಶ ಮಾಡಿದ ವ್ಯಕ್ತಿಗಳು ಬೇಲಿ ಹಾಕಲು ಅಡ್ಡಿಪಡಿಸಿ, ಅವಾಚ್ಯ ಶಬ್ದಗಳಿಂದ ಬೈದು ಹಲ್ಲೆಗೆ ಯತ್ನಿಸಿರುವ ಘಟನೆ ನಡೆದಿದೆ.
ಬೋಳದ ಶ್ರೀಅಂಶ್ ಶೆಟ್ಟಿ ಅವರ ಹೆಸರಿನಲ್ಲಿ ಸರ್ವೆ ನಂಬ್ರ 89/6 ರಲ್ಲಿ 0.31 ಸೆಂಟ್ಸ್ ಜಾಗವಿದ್ದು, ಜು.18 ರಂದು ಕಾರ್ಕಳ ತಾಲೂಕು ಸರ್ವೆಯರ್ ಬಂದು ಜಾಗಕ್ಕೆ ಗಡಿಗುರುತು ಮಾಡಿ ಕಲ್ಲು ಕಂಬ ಹಾಕಿ ಹೋಗಿದ್ದರು. ಮಧ್ಯಾಹ್ನ ಗಡಿಗುರುತು ಮಾಡಿದ ಕಲ್ಲು ಕಂಬದ ಮಧ್ಯೆ ಕೆಲಸದವರು ಬೇಲಿ ಹಾಕುತ್ತಿದ್ದ ವೇಳೆ ನೆರೆಮನೆಯ ಕುಟ್ಟಿ ಶೆಟ್ಟಿ, ಶಾಲಿನಿ ಶೆಟ್ಟಿ, ಪೂರ್ಣಿಮಾ ಶೆಟ್ಟಿ, ಜಗದೀಶ ಶೆಟ್ಟಿ ಮತ್ತು ಗೀತ ಶೆಟ್ಟಿ ಎಂಬವರು ಆ ಜಾಗಕ್ಕೆ ಅಕ್ರಮ ಪ್ರವೇಶ ಮಾಡಿ ಬೇಲಿ ಹಾಕಲು ಅಡ್ಡಿಪಡಿಸಿದ್ದಾರೆ. ಅಲ್ಲದೇ ಅವಾಚ್ಯ ಶಬ್ದಗಳಿಂದ ಬೈದು ಹಲ್ಲೆಗೆ ಯತ್ನಿಸಿದ್ದಾರೆ ಎಂದು ದೂರು ನೀಡಿದ್ದು, ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
.
.
.
.
.
.
.
.
.
.
.
.
.
.
.
.
.
.
.
.
