ಮಂಗಳೂರು: ಪೊಲೀಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾಗಿದ್ದ ಬೆಂಗಳೂರಿನ ಹೆಸರಘಟ್ಟ ಗುಡ್ಡದಹಳ್ಳಿ ನಿವಾಸಿ ಎಂ.ಎನ್ ಚಂದ್ರಯ್ಯ ಎಂಬವರು ಕಳೆದ 2023ರ ಆ.18 ರಂದು ಧರ್ಮಸ್ಥಳಕ್ಕೆ ಹೋಗಿ ಬರುತ್ತೇನೆಂದು ಹೋದವರು ಮರಳಿ ಮನೆಗೆ ಬಾರದೇ ನಾಪತ್ತೆಯಾಗಿದ್ದರು.
ಚಂದ್ರಯ್ಯನವರು ಕಾಣೆಯಾದ ಬಳಿಕ ಕುಟುಂಬದವರು ಸಾಕಷ್ಟು ಹುಡುಕಾಟ ನಡೆಸಿದರೂ ಅವರ ಪತ್ತೆಯಾಗಿಲ್ಲ.ಅವರ ಮೊಬೈಲ್ ಲೊಕೇಶನ್ ಮಂಗಳೂರಿನಲ್ಲಿ ಕೊನೆಯಾದ ಹಿನ್ನೆಲೆಯಲ್ಲಿ ಮಂಗಳೂರು ಆಸುಪಾಸಿನಲ್ಲಿ ಹುಡುಕಾಟ ನಡೆಸಿದರೂ ಪತ್ತೆಯಾಗಿಲ್ಲ. ಇದಲ್ಲದೇ ಸ್ಥಳೀಯ ಪೊಲೀಸರಿಗೂ ಮಾಹಿತಿ ನೀಡಲಾಗಿದ್ದರೂ ಚಂದ್ರಯ್ಯ ಪತ್ತೆಯಾಗಿಲ್ಲ.
ಕಾಣೆಯಾಗಿರುವ ಚಂದ್ರಯ್ಯನವರು ಕಳೆದ 2024ರ ಜನವರಿ ತಿಂಗಳಿನಲ್ಲಿ ಸುಬ್ರಹ್ಮಣ್ಯ ದೇವಸ್ಥಾನದ ವಠಾರದಲ್ಲಿ ತಿರುಗಾಡುತ್ತಿರುವುದು ಸ್ಥಳೀಯರೊಬ್ಬರು ಕುಟುಂಬಸ್ಥರಿಗೆ ಮಾಹಿತಿ ನೀಡಿದ್ದರು. ಆದ್ದರಿಂದ ಚಂದ್ರಯ್ಯ ಅವರು ಸುಬ್ರಹ್ಮಣ್ಯ ಅಥವಾ ಧರ್ಮಸ್ಥಳದ ಆಸುಪಾಸಿನ ವಾಸವಿರುವ ಸಾಧ್ಯತೆಗಳಿವೆ.
ಈ ಹಿನ್ನೆಲೆಯಲ್ಲಿ ಚಂದ್ರಯ್ಯ ಅವರನ್ನು ಪತ್ತೆಹಚ್ಚಿ ಮಾಹಿತಿ ನೀಡಿದವರಿಗೆ ಸಂಬಂಧಿಕರು 2 ಲಕ್ಷ ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ.ಚಂದ್ರಯ್ಯನವರ ಮಾಹಿತಿ ಸಿಕ್ಕಲ್ಲಿ ಅವರ ಪುತ್ರ ಆನಂದ್ ,ಸಿ ಅವರ ಮೊಬೈಲ್ ಸಂಖ್ಯೆ: 9886539361,9606095559 ಗೆ ಕರೆ ಮಾಡಿ ತಿಳಿಸಬಹುದಾಗಿದೆ ಎಂದು ವಿನಂತಿಸಿಕೊಂಡಿದ್ದಾರೆ.
