ಕಾರ್ಕಳ, ಮೇ. 03: ಕುಡಿತದ ನಶೆಯಲ್ಲಿ ತಮ್ಮನೇ ಅಣ್ಣನನ್ನು ಹೊಡೆದು ಕೊಲೆಗೈದ ಘಟನೆ ಕಾರ್ಕಳದ ಶಿವತಿಕೆರೆ ಬಳಿಯ ಪರ್ಪಲೆ ಎಂಬಲ್ಲಿ ಶನಿವಾರ ತಡರಾತ್ರಿ ಸಂಭವಿಸಿದೆ.
ರಿಚಾರ್ಡ್ ಡಿಸೋಜ (65) ಎಂಬವರು ತಮ್ಮನಿಂದಲೇ ಕೊಲೆಯಾದ ದುರ್ದೈವಿ. ಹೆರಾಲ್ಡ್ ಡಿಸೋಜ ಎಂಬಾತ ಅಣ್ಣನನ್ನು ಕೊಲೆಗೈದ ಆರೋಪಿ.
ಹೆರಾಲ್ಡ್ ಡಿಸೋಜ ಶಿರ್ವದಲ್ಲಿ ವಾಸವಿದ್ದು, ಕಳೆದ ಕೆಲ ದಿನಗಳ ಹಿಂದೆ ಕಾರ್ಕಳದ ಸಹೋದರ ರಿಚಾರ್ಡ್ ಡಿಸೋಜ ಮನೆಗೆ ಬಂದಿದ್ದ. ಕಾರ್ಕಳ ಆಸುಪಾಸಿನಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ಈತ ಮದ್ಯಪಾನ ವ್ಯಸನಿಯಾಗಿದ್ದು, ತಂದೆಯ ಆಸ್ತಿ ವಿಚಾರದಲ್ಲಿ ಸಹೋದರರ ನಡುವೆ ಆಗಾಗ ಜಗಳವಾಗುತ್ತಿತ್ತು ಎನ್ನಲಾಗಿದೆ. ಶನಿವಾರ ರಾತ್ರಿ ಅಣ್ಣ ರಿಚರ್ಡ್ ಡಿಸೋಜ ಹಾಗೂ ತಮ್ಮ ಹೆರಾಲ್ಡ್ ಡಿಸೋಜ ನಡುವೆ ಮಾತಿಗೆ ಮಾತು ಬೆಳೆದು ಪರಸ್ಪರ ಹೊಡೆದಾಟ ನಡೆದಿದೆ. ಮದ್ಯದ ನಶೆಯಲ್ಲಿದ್ದ ಹೆರಾಲ್ಡ್ ಮರದ ರೀಪಿನಿಂದ ಅಣ್ಣ ರಿಚಾರ್ಡ್ ಡಿಸೋಜ ಅವರಿಗೆ ತಲೆ, ಕೈ ಕಾಲಿಗೆ ಮನ ಬಂದಂತೆ ಹಲ್ಲೆ ನಡೆಸಿದ್ದಾನೆ. ಇದರಿಂದ ಗಂಭೀರವಾಗಿ ಗಾಯಗೊಂಡ ರಿಚಾರ್ಡ್ ಡಿಸೋಜ ತೀವ್ರ ರಕ್ತಸ್ರಾವದಿಂದ ಮೃತಪಟ್ಟಿದ್ದಾರೆ.
ಘಟನಾ ಸ್ಥಳಕ್ಕೆ ಉಡುಪಿ ಎಸ್ಪಿ ಹರಿರಾಮ ಶಂಕರ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಕಾರ್ಕಳ ನಗರ ಠಾಣೆ ಪೊಲೀಸರು ಆರೋಪಿ ಹೆರಾಲ್ಡ್ ಡಿಸೋಜ ಎಂಬಾತನನ್ನು ಬಂಧಿಸಿದ್ದಾರೆ.
.
.
.
.
.
.
.
.
.
.
.
.
.
.
.
.
.
.
.
.
