ಕಾರ್ಕಳ, ಮೇ.27:ಮನೆಯ ಕಡೆಗೆ ನಡೆದುಕೊಂಡು ಹೋಗುತ್ತಿದ್ದ ಅಪ್ರಾಪ್ತ ವಯಸ್ಕ ವಿದ್ಯಾರ್ಥಿನಿಯನ್ನು ಮನೆಗೆ ಡ್ರಾಪ್ ಕೊಡುವುದಾಗಿ ಪುಸಲಾಯಿಸಿ ವಿವಾಹಿತ ಕಾಮುಕ ಬಸ್ ಚಾಲಕನೊಬ್ಬ ತನ್ನ ಬೈಕಿನಲ್ಲಿ ಕೂರಿಸಿ ಕರೆದೊಯ್ಯುವ ಸಂದರ್ಭದಲ್ಲಿ ಆಕೆಯ ಮೈಕೈ ಮುಟ್ಟಿ ಲೈಂಗಿಕ ಕಿರುಕುಳ ನೀಡಲು ಯತ್ನಿಸಿದಾಗ ಬೆದರಿದ ಬಾಲಕಿ ಪ್ರಾಣ ರಕ್ಷಣೆಗಾಗಿ ಬೈಕಿನಿಂದ ಜಿಗಿದು ಗಾಯಗೊಂಡ ಘಟನೆ ಅಜೆಕಾರಿನಲ್ಲಿ ಮಂಗಳವಾರ ಸಂಜೆ ಸಂಭವಿಸಿದೆ.
ಲೈಂಗಿಕ ಕಿರುಕುಳ ನೀಡಿ ಪರಾರಿಯಾಗಿದ್ದ ಬಸ್ ಚಾಲಕ ಹಾಡಿಯಂಗಡಿ ಶಿವಬೆಟ್ಟು ನಿವಾಸಿ ಪ್ರಶಾಂತ ನಾಯಕ್(48) ಎಂಬಾತನನ್ನು ಪೋಕ್ಸೋ ಪ್ರಕರಣ ದಾಖಲಿಸಿ ಅಜೆಕಾರು ಪೊಲೀಸರು ಬಂಧಿಸಿದ್ದಾರೆ.
ಪ್ರಥಮ ಪಿಯು ಓದುತ್ತಿದ್ದ ವಿದ್ಯಾರ್ಥಿನಿ ತನ್ನ ಮನೆಗೆ ನಡೆದುಕೊಂಡು ಹೋಗುತ್ತಿದ್ದ ಸಂದರ್ಭದಲ್ಲಿ ಕುರ್ಸುಕಟ್ಟೆ ಎಂಬಲ್ಲಿ ಅಜೆಕಾರು ಕಡೆಯಿಂದ ಬಂದ ಕಾಮುಕ ಬಸ್ ಚಾಲಕ ಪ್ರಶಾಂತ ನಾಯಕ್ ಎಂಬಾತ ನನಗೆ ನಿನ್ನ ಮನೆಯವರ ಪರಿಚಯವಿದೆ ನಿನಗೆ ಬೈಕಿನಲ್ಲಿ ಡ್ರಾಪ್ ಕೊಡುವುದಾಗಿ ಹೇಳಿ ಆಕೆಯನ್ನು ಪುಸಲಾಯಿಸಿದ್ದ, ಈಕೆ ಆತನ ಮಾತು ನಂಬಿ ಬೈಕ್ ನಲ್ಲಿ ಕುಳಿತುಕೊಂಡಾಗ ಆರೋಪಿ ಪ್ರಶಾಂತ ನಾಯಕ್ ಬಾಲಕಿಯ ಅಂಗಾಂಗ ಸ್ಪರ್ಶಿಸಿ ಅಸಭ್ಯವಾಗಿ ವರ್ತಿಸಿ ಲೈಂಗಿಕ ಕಿರುಕುಳ ನೀಡಲು ಯತ್ನಿಸಿದ್ದಾನೆ.ಇದರಿಂದ ಹೆದರಿದ ಬಾಲಕಿ ಕಾಮುಕನಿಂದ ತಪ್ಪಿಸಿಕೊಳ್ಳಲು ಏಕಾಎಕಿ ಜಿಗಿದ ಪರಿಣಾಮ ಬಿದ್ದು ಗಾಯಗೊಂಡಿದ್ದಾಳೆ. ಇತ್ತ ಆಕೆ ಬೈಕಿನಿಂದ ಬಿದ್ದು ತಕ್ಷಣವೇ ಆರೋಪಿ ಬೈಕ್ ಜೊತೆ ಪರಾರಿಯಾಗಿದ್ದ.
ಪೋಷಕರ ದೂರಿನ ಮೇರೆಗೆ ದೂರು ದಾಖಲಿಸಿಕೊಂಡು ತನಿಖೆ ನಡೆಸಿದ ಅಜೆಕಾರು ಪೊಲೀಸರು ಆರೋಪಿಯ ಮೊಬೈಲ್ ಕರೆಯ ಜಾಡು ಹಿಡಿದು ಕೊನೆಗೂ ಕಾಮುಕ ಬಸ್ ಚಾಲಕನನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ.
ಮದ್ಯವ್ಯಸನಿಯಾಗಿದ್ದ ಆತ ಬದಲಿ ಬಸ್ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ಎಂದು ತಿಳಿದುಬಂದಿದೆ.
.
.
.
.
.
.
.
.
.
.
.
.
.
.
.
.
.
.
.
.
