ಕಾರ್ಕಳ, ಅ.03: ಗಾಂಧಿ ಜಯಂತಿಯ ದಿನದಂದು ರಾಜ್ಯಾದ್ಯಂತ ಮದ್ಯ ಮಾರಾಟ ನಿಷೇಧವಿದ್ದರೂ ಕಾರ್ಕಳ ಬಸ್ಸು ನಿಲ್ದಾಣ ಬಳಿ ಇರುವ ಸ್ವಾಗತ್ ಬಾರ್ & ರೆಸ್ಟೋರೆಂಟ್ ನಲ್ಲಿ ಗ್ರಾಹಕರಿಗೆ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದಾರೆ ಎನ್ನುವ ಖಚಿತ ಮಾಹಿತಿ ಮೇರೆಗೆ ನಗರ ಪೊಲೀಸ್ ಠಾಣೆಯ ಎಸ್‌ಐ ಶಿವಕುಮಾರ್ ಎಸ್ ಆರ್, ನೇತೃತ್ವದ ಪೊಲೀಸರ ತಂಡ ದಾಳಿ ನಡೆಸಿ 15 ಸಾವಿರ ಮೌಲ್ಯದ ಮದ್ಯ ವಶಪಡಿಸಿಕೊಂಡು ಕೇಸ್ ದಾಖಲಿಸಿದ್ದಾರೆ.
ಆರೋಪಿ ಜಗದೀಶ್ ಎಂಬಾತ ಗಿರಾಕಿಗಳಿಗೆ ಅಕ್ರಮವಾಗಿ ಮದ್ಯ ಮಾರಾಟ ಮಾಡಲು ಐದು ಬಾಕ್ಸ್ನಲ್ಲಿದ್ದ ಪ್ರೆಸ್ಟಿಜ್ ವಿಸ್ಕಿಯ 90 ಎಂ ಎಲ್ ನ 75 ಸ್ಯಾಚೆಟ್, ಜಾನ್ಸ್ ಒರಿಜಿನಲ್ ಡೀಲಕ್ಸ್ ವಿಸ್ಕಿಯ ಮದ್ಯ ತುಂಬಿದ 90 ಎಂ ಎಲ್ ನ 48 ಸ್ಯಾಚೆಟ್, ಮೈಸೂರ್ ಲ್ಯಾನ್ಸರ್ ವಿಸ್ಕಿಯ ಮದ್ಯ ತುಂಬಿದ 90 ಎಂ ಎಲ್ ನ 40 ಸ್ಯಾಚೆಟ್, ಹೇವಾರ್ಡ್ಸ್ ಚೀರ‍್ಸ್ ವಿಸ್ಕಿ ಮದ್ಯ ತುಂಬಿದ 90 ಎಂ ಎಲ್‌ನ 59 ಸ್ಯಾಚೆಟ್ ಹಾಗೂ ಒರಿಜಿನಲ್ ಚಾಯ್ಸ್ ಡೀಲಕ್ಸ್ ವಿಸ್ಕಿಯ ಮದ್ಯ ತುಂಬಿದ 180 ಎಂ ಎಲ್ ನ 27 ಸ್ಯಾಚೆಟ್ ನ ಒಟ್ಟು ಅಂದಾಜು ಮೌಲ್ಯ 15,015 ಮೊತ್ತದ ಮದ್ಯವನ್ನು ವಶಪಡಿಕೊಂಡಿದ್ದಾರೆ.
ಮದ್ಯ ಮಾರಾಟದ ಲೈಸೆನ್ಸ್ ಹೊಂದಿರುವ ರಾಜೇಶ್ ಶೆಟ್ಟಿ, ಜಯಪ್ರಕಾಶ್ ಮತ್ತು ಕಟ್ಟಡದ ಮಾಲೀಕ ರಾಜೇಶ್ ಶೆಟ್ಟಿಯವರು ಸೇರಿ ಅಕ್ರಮವಾಗಿ ಗ್ರಾಹಕರಿಗೆ ಮದ್ಯ ಮಾರಾಟ ಮಾಡುತ್ತಿದ್ದಾರೆ ಎನ್ನುವ ಆರೋಪದ ಮೇರೆಗೆ ಕೇಸ್ ದಾಖಲಿಸಿದ್ದಾರೆ.
ಈ ಕುರಿತು ಅಬಕಾರಿ ಕಾಯ್ದೆ ಪ್ರಕಾರ ಕಾರ್ಕಳ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
.
.
.
.
.
.
.
.
.
.
.
.
.
.
.
.
.
.
.
.
