ಹೆಬ್ರಿ,ಆ. 07: ಚಲಿಸುತ್ತಿದ್ದ ಕಾರಿನ ಮೇಲೆ ಮರ ಬಿದ್ದ ಪರಿಣಾಮ ಚಾಲಕ ಸ್ಥಳದಲ್ಲೇ ದಾರುಣವಾಗಿ ಸಾವನ್ನಪ್ಪಿದ ಘಟನೆ ಆ. 7 ರಂದು ಶುಕ್ರವಾರ ಸಂಜೆ ಹೆಬ್ರಿ ಮೂರು ರಸ್ತೆಯ ಬಳಿಯ ಹುತ್ತುರ್ಕೆ ಎಂಬಲ್ಲಿ ಸಂಭವಿಸಿದೆ.
ಈ ದುರ್ಘಟನೆಯಿಂದ ಹೆಬ್ರಿ ಸಂತೆಕಟ್ಟೆ ಜೋಮ್ಲು ರಸ್ತೆ ನಿವಾಸಿ ಪ್ರಗತಿಪರ ಕೃಷಿಕ ಸದಾನಂದ ನಾಯಕ್(55) ಮೃತಪಟ್ಟ ದುರ್ದೈವಿ.
ಸದಾನಂದ ನಾಯಕ್ ಹೆಬ್ರಿಯಿಂದ ತನ್ನ ಮನೆಯಾದ ಸಂತೆಕಟ್ಟೆ ಕಡೆಗೆ ಬ್ರಹ್ಮಾವರ ಮಾರ್ಗವಾಗಿ ತನ್ನ ಕಾರಿನಲ್ಲಿ ಹೋಗುತ್ತಿದ್ದ ವೇಳೆ ಏಕಾಎಕಿ ಬೀಸಿದ ಭಾರೀ ಗಾಳಿಗೆ ಬೃಹತ್ ಮರ ರಸ್ತೆಗೆ ಉರುಳಿ ಬೀಳುವ ಸಂದರ್ಭ ಚಲಿಸುತ್ತಿದ್ದ ಕಾರಿನ ಮೇಲೆ ಸದಾನಂದ ನಾಯಕ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
ಇದೇ ವೇಳೆ ವಿದ್ಯುತ್ ಕಂಬ ಹಾಗೂ ತಂತಿಗಳೂ ಮರದೊಂದಿಗೆ ಕಾರಿನ ಮೇಲೆ ಬಿದ್ದು, ಮರ, ವಿದ್ಯುತ್ ಕಂಬ ಹಾಗೂ ತಂತಿಗಳ ನಡುವೆ ಕಾರು ಸಿಲುಕಿಕೊಂಡಿದೆ.
ದುರ್ಘಟನೆ ಬಳಿಕ ಸಾವಿರಾರು ಸಂಖ್ಯೆಯಲ್ಲಿ ಜನ ಜಮಾಯಿಸಿದರು.ಬಳಿಕ ಮರವನ್ನು ಕ್ರೇನ್ ಮೂಲಕ ತೆರವುಗೊಳಿಸಿ, ಮೃತದೇಹವನ್ನು ಹೊರಗಡೆ ತೆಗೆಯಲಾಯಿತು.
ಹೆಬ್ರಿ ಠಾಣಾ ಪೊಲೀಸರು ಸ್ಥಳಕ್ಕಾಗಮಿಸಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
.
.
.
.
.
.
.
.
.
.
.
.
.
.
.
.
.
.
.
.
