ಕಾರ್ಕಳ,ಆ.12: ಕಾರ್ಕಳ ತಾಲೂಕು ಇನ್ನಾ ಗ್ರಾಮದ ಮಡ್ಮಣ್ ಎಂಬಲ್ಲಿರುವ ಊರಿನ ಹತ್ತು ಸಮಸ್ಥರು ಆರಾಧನೆ ಮಾಡಿಕೊಂಡು ಬರುತ್ತಿರುವ ಶ್ರೀ ವ್ಯಾಘ್ರ ಚಾಮುಂಡೇಶ್ವರಿ ದೈವಸ್ಥಾನದ ಕಾಣಿಕೆ ಡಬ್ಬಿಯ ಬೀಗ ಮುರಿದು ಲಕ್ಷಾಂತರ ರೂ. ಕಳವುಗೈದಿರುವ ಪ್ರಕರಣ ನಡೆದಿದೆ.
ಬಾಲಕೃಷ್ಣ ಶೆಟ್ಟಿ ಎಂಬವರು ಪ್ರತಿನಿತ್ಯ ಶ್ರೀ ವ್ಯಾಘ್ರ ಚಾಮುಂಡೇಶ್ವರಿ ದೈವಸ್ಥಾನವನ್ನು ಶುಚಿಗೊಳಿಸುವ ಕೆಲಸ ಮಾಡುತ್ತಿದ್ದು, ಎಂದಿನAತೆ ಇಂದು ಬೆಳಿಗ್ಗೆ (ಆ.12) ದೈವಸ್ಥಾನ ಶುಚಿಗೊಳಿಸಲು ಬಂದಿದ್ದ ವೇಳೆ ದೈವಸ್ಥಾನದ ಮುಂಭಾಗದ ಬಾಗಿಲಿನ ಬೀಗವನ್ನು ಯಾರೋ ಮುರಿದು ಒಳಗಿರುವ ಕಾಣಿಕೆ ಡಬ್ಬಿಯನ್ನು ಮುರಿದು ತೆರೆದಿರುವುದಾಗಿ ದೈವಸ್ಥಾನದ ಕಮಿಟಿಯ ಕಾರ್ಯದರ್ಶಿ ಸುನಿಲ್ ಕುಮಾರ್ ಎಂಬವರಿಗೆ ಕರೆ ಮಾಡಿ ತಿಳಿಸಿದ್ದರು. ಅವರು ಕೂಡಲೇ ಕಮಿಟಿಯ ಅಧ್ಯಕ್ಷರು ಮತ್ತು ಇತರರೊಂದಿಗೆ ಹೋಗಿ ನೋಡಿದಾಗ ರಾತ್ರಿ ವೇಳೆ ಕಳ್ಳರು ದೈವಸ್ಥಾನದ ಮುಂಭಾಗದ ಗ್ರಿಲ್ ಶೆಟರ್ ನ ಬೀಗವನ್ನು ಮುರಿದು ಒಳಗಡೆ ಬೀಗ ಹಾಕಿಟ್ಟಿದ್ದ ಎರಡೂ ಕಾಣಿಕೆ ಡಬ್ಬಿಗಳನ್ನು ಕಾಣಿಕೆ ಡಬ್ಬಿಗಳಲ್ಲಿ ಒಂದು ಡಬ್ಬಿಯ ಬೀಗ ಹಾಗೂ ಇನ್ನೊಂದು ಡಬ್ಬಿಯ ಬೀಗದ ಕೊಂಡಿಯನ್ನು ಮುರಿದು ಅದರಲ್ಲಿದ್ದ ಅಂದಾಜು ಸುಮಾರು 1,20,000 ರೂ ಹಣವನ್ನು ಕಳವುಗೈದಿರುವು ಬೆಳಕಿಗೆ ಬಂದಿದೆ.
ಈ ಕುರಿತು ಪಡುಬಿದ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
.
.
.
.
.
.
.
.
.
.
.
.
.
.
.
.
.
.
.
.
