ಕಾರ್ಕಳ: ದುರ್ಗಾ ತೆಳ್ಳಾರು ಸಂಪರ್ಕ ರಸ್ತೆಯ ಸೇತುವೆಯ ಬಳಿಯ ಎರಡು ಭಾಗದ ರಸ್ತೆ ತೀರಾ ಹದಗೆಟ್ಟು ಹೋಗಿದ್ದು ಸಂಚಾರಕ್ಕೆ ತುಂಬಾ ತೊಂದರೆಯಾಗುತ್ತಿತ್ತು. ಪ್ರತೀನಿತ್ಯ ಒಂದಲ್ಲಾ ಒಂದು ರಸ್ತೆ ಅಪಘಾತಗಳು ಸಂಭವಿಸುತ್ತಿತ್ತು.ಇದನ್ನು ಮನಗಂಡ ಕಾವೇರಡ್ಕದ ಶ್ರೀ ಲಕ್ಷ್ಮೀ ಗೆಳೆಯರ ಬಳಗದ ಸದಸ್ಯರು ಭಾನುವಾರ ಸೇತುವೆಯ ಎರಡೂ ಬದಿಯಲ್ಲಿ ಇದ್ದ ಬೃಹತ್‌ ಗಾತ್ರದ ರಸ್ತೆ ಗುಂಡಿಯನ್ನು ಮುಚ್ಚಿ ಸಾರ್ವಜನಿಕರಿಗೆ ಮತ್ತು ವಾಹನ ಚಾಲಕರಿಗೆ ಆಗುತ್ತಿದ್ದ ಸಮಸ್ಯೆಯನ್ನು ತಾತ್ಕಾಲಿಕವಾಗಿ ನಿವಾರಿಸಿದರು.
ಅಲ್ಲದೇ ಸೇತುವೆ ಅಕ್ಕಪಕ್ಕದಲ್ಲಿ ಬೆಳೆದಿದ್ದ ಹುಲ್ಲು, ಕುರುಚಲು ಗಿಡಗಂಟಿಗಳನ್ನು ಕತ್ತರಿಸಿ ಸ್ವಚ್ಛ ಗೊಳಿಸಿದರು.
ಶ್ರಮದಾನದಲ್ಲಿ ಮಂಜುನಾಥ, ರಾಜೇಶ್ ( ಅಟ್ಟು) ಗಣೇಶ್ ಪುಜಾರಿ ಸಂಕ, ಕೀರ್ತನ್ ಶೆಟ್ಟಿ, ಪವನ್ ಆಚಾರ್ಯ, ಶೈಲೇಶ್ ಪುಜಾರಿ, ದೀಪಕ್ ನಾಯ್ಕ್, ಗೋವರ್ಧನ್ ನಾಯ್ಕ್, ಲಾಯ್ಡ್ ಡಿಮಿಲ್ಲೋ, ಹರೀಶ್ ಶೆಟ್ಟಿ, ರಮೇಶ್ ಶೆಟ್ಟಿ ಅಯೋದ್ಯಾ ನಗರ, ಅಜಯ್ ಶೆಣೈ ಭಾಗವಹಿಸಿದರು.
