ಕಾರ್ಕಳ,ಜೂ.06: ಕೃಷಿ ಕಿಸಾನ್ ರಕ್ಷಣಾ ಸಂಘ (ರಿ.) ಉಡುಪಿ, ರೆಂಜಾಳ, ಕಾರ್ಕಳ ಇವರ ಆಶ್ರಯದಲ್ಲಿ ರೆಂಜಾಳ ಶ್ರೀ ಬ್ರಹ್ಮಲಿಂಗೇಶ್ವರ ದೇವಸ್ಥಾನದ ವಠಾರದಲ್ಲಿ ವಿಶ್ವ ಪರಿಸರ ದಿನದ ಅಂಗವಾಗಿ ಗಿಡ ನೆಡುವ ಕಾರ್ಯಕ್ರಮ ಶುಕ್ರವಾರ ಜರುಗಿತು.
ಸಾಮಾಜಿಕ ಕಾರ್ಯಕರ್ತೆ, ಪರಿಸರ ಹೋರಾಟಗಾರ್ತಿ ಆರತಿ ಅಶೋಕ್ ಪೇರಡ್ಕ ಅವರು ಗಿಡ ನೆಡುವ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, “ಕೇವಲ 1 ದಿನ ಗಿಡವನ್ನು ನೆಟ್ಟು ವನಮಹೋತ್ಸವ ಆಚರಿಸುವುದಲ್ಲ, ಅದರ ಪಾಲನೆ-ಪೋಷಣೆ ಅವಶ್ಯ. ಪ್ರತಿಯೊಬ್ಬ ನಾಗರಿಕರು ಪರಿಸರ ರಕ್ಷಣೆ ಮಾಡಬೇಕು” ಎಂದು ಕರೆ ನೀಡಿದರು.
ರೆಂಜಾಳ ಗ್ರಾ.ಪಂ ಅಭಿವೃದ್ಧಿ ಅಧಿಕಾರಿ ಪದ್ಮಕುಮಾರಿ ಅವರು “ಕೃಷಿ ಕಿಸಾನ್ ರಕ್ಷಣಾ ಸಂಘ”ದ ಸಹಾಯವಾಣಿ ಸಂಖ್ಯೆಯ ಸ್ಟಿಕರ್ ಬಿಡುಗಡೆಗೊಳಿಸಿ ಶುಭ ಹಾರೈಸಿದರು.
ಕೃಷಿ ಕಿಸಾನ್ ರಕ್ಷಣಾ ಸಂಘದ ಅಧ್ಯಕ್ಷರು ಸುಕೀರ್ತಿ ಜೈನ್ ಅಧ್ಯಕ್ಷತೆ ವಹಿಸಿದ್ದರು. ಪಂಚಾಯತ್ ಕಾರ್ಯದರ್ಶಿ ಸವಿತಾ ಕುಮಾರಿ, ದೇವಸ್ಥಾನದ ಅರ್ಚಕ ಸತೀಶ್ ಭಟ್, ದೇವಸ್ಥಾನದ ಧರ್ಮದರ್ಶಿ ಶಿಶುಪಾಲ್ ಹಲ್ಮ ಹಾಗೂ ರೆಂಜಾಳ ಗ್ರಾಮಸ್ಥರು ಉಪಸ್ಥಿತರಿದ್ದರು.
ದೇವಸ್ಥಾನದ ಜೀರ್ಣೋದ್ಧಾರದ ಸಮಯದಲ್ಲಿ ತೆಗೆದ ಮರಗಳ ಬದಲಿಗೆ ಈ ಬಾರಿ ಆರತಿ ಅಶೋಕ್ ಅವರ ಸಹಕಾರದಿಂದ 300 ಗಿಡಗಳು ಹಾಗೂ ನಿಡ್ಡೋಡಿಯ ವಿನೀಶ್ ಅವರಿಂದ ನೀಡಲಾದ ನಾಗಲಿಂಗ ಪುಷ್ಪದ ಗಿಡವನ್ನು ನೆಡಲಾಯಿತು. ಶ್ರೀಗಂಧ, ರಕ್ತಚಂದನ, ಪೇರಳೆ, ನೇರಳೆ, ಲಾವಂಚ, ಮಾವು ಹಾಗೂ ಹಲವು ವಿಧದ ಹೂವಿನ ಗಿಡಗಳನ್ನು ನೆಡಲಾಯಿತು.
ಕಲ್ಪವೃಕ್ಷಾ ಆಗ್ರೋ ಪ್ರಾಡಕ್ಟ್, ನಾರಾವಿ, ರಮೇಶ್ ಶೆಟ್ಟಿ ಮಂಜೊಟ್ಟು ಶಿಕ್ಷಕಿ ಮಲ್ಲಿಕಾ ಮುನಿರಾಜ್, ಹಿ.ಪ್ರಾ.ಶಾ. ರೆಂಜಾಳ, ನಾಪಡಿ ಗೋಪಾಲ್ ಹೆಗ್ಡೆ ಮುಂಬೈ, ಶೈಲೇಶ್ ಜೈನ್, ನೆಲ್ಲಿಕಾರ್ ನಾಗೇಶ್ ನಾಯಕ್ ಮಾಳ ,ಲೋಹಿತ್ ಕುಮಾರ್ ಜೈನ್, ಕಾರ್ಕಳ, ಪ್ರಶಾಂತ್ ನಾಯಕ್ ರೆಂಜಾಳ, ರತ್ನವರ್ಮ ಜೈನ್ ಪಾಂಡೀಲ್,ಸರೋಜಿನಿ ಶೆಟ್ಟಿ ರೆಂಜಾಳ, ಪರಿಸರವಾದಿ ಕಾರ್ಕಳದ ಆರ್. ವರದರಾಯ ಪ್ರಭು ಸಹಕರಿಸಿದರು.
.
.
.
.
.
.
.
.
.
.
.
.
.
.
.
.
.
.
.
.
